Mulher

חַכְמוֹת נָשִׁים בָּנְתָה בֵיתָהּ וְאִוֶּלֶת בְּיָדֶיהָ תֶהֶרְסֶֽנּוּ ׃

Provérbios 14:1

21 וַיַּפֵּל יְהוָה אֱלֹהִים ׀ תַּרְדֵּמָה עַל ־ הָאָדָם וַיִּישָׁן וַיִּקַּח אַחַת מִצַּלְעֹתָיו וַיִּסְגֹּר בָּשָׂר תַּחְתֶּֽנָּה ׃

22 וַיִּבֶן יְהוָה אֱלֹהִים ׀ אֶֽת ־ הַצֵּלָע אֲשֶׁר ־ לָקַח מִן ־ הָֽאָדָם לְאִשָּׁה וַיְבִאֶהָ אֶל ־ הָֽאָדָֽם ׃

23 וַיֹּאמֶר הָֽאָדָם זֹאת הַפַּעַם עֶצֶם מֵֽעֲצָמַי וּבָשָׂר מִבְּשָׂרִי לְזֹאת יִקָּרֵא אִשָּׁה כִּי מֵאִישׁ לֻֽקֳחָה ־ זֹּֽאת ׃

Gênesis 2:21-23

אֵֽשֶׁת ־ חֵן תִּתְמֹךְ כָּבוֹד וְעָרִיצִים יִתְמְכוּ ־ עֹֽשֶׁר ׃

Provérbios 11:16

וַיִּבְרָא אֱלֹהִים ׀ אֶת ־ הָֽאָדָם בְּצַלְמוֹ בְּצֶלֶם אֱלֹהִים בָּרָא אֹתוֹ זָכָר וּנְקֵבָה בָּרָא אֹתָֽם ׃

Gênesis 1:27

וְעַתָּה בִּתִּי אַל ־ תִּירְאִי כֹּל אֲשֶׁר ־ תֹּאמְרִי אֶֽעֱשֶׂה ־ לָּךְ כִּי יוֹדֵעַ כָּל ־ שַׁעַר עַמִּי כִּי אֵשֶׁת חַיִל אָֽתְּ ׃

Rute 3:11

טוֹב שֶׁבֶת בְּאֶֽרֶץ ־ מִדְבָּר מֵאֵשֶׁת מדונים וָכָֽעַס ׃

Provérbios 21:19

שֶׁקֶר הַחֵן וְהֶבֶל הַיֹּפִי אִשָּׁה יִרְאַת ־ יְהוָה הִיא תִתְהַלָּֽל ׃

Provérbios 31:30

אֵֽשֶׁת ־ חַיִל עֲטֶרֶת בַּעְלָהּ וּכְרָקָב בְּעַצְמוֹתָיו מְבִישָֽׁה ׃

Provérbios 12:4

בַּיִת וָהוֹן נַחֲלַת אָבוֹת וּמֵיְהוָה אִשָּׁה מַשְׂכָּֽלֶת ׃

Provérbios 19:14