Obediência

לֹֽא ־ יָמוּשׁ סֵפֶר הַתּוֹרָה הַזֶּה מִפִּיךָ וְהָגִיתָ בּוֹ יוֹמָם וָלַיְלָה לְמַעַן תִּשְׁמֹר לַעֲשׂוֹת כְּכָל ־ הַכָּתוּב בּוֹ כִּי ־ אָז תַּצְלִיחַ אֶת ־ דְּרָכֶךָ וְאָז תַּשְׂכִּֽיל ׃

Josué 1:8

וְשָׁמַרְתָּ אֶת ־ מִשְׁמֶרֶת ׀ יְהוָה אֱלֹהֶיךָ לָלֶכֶת בִּדְרָכָיו לִשְׁמֹר חֻקֹּתָיו מִצְוֺתָיו וּמִשְׁפָּטָיו וְעֵדְוֺתָיו כַּכָּתוּב בְּתוֹרַת מֹשֶׁה לְמַעַן תַּשְׂכִּיל אֵת כָּל ־ אֲשֶׁר תַּֽעֲשֶׂה וְאֵת כָּל ־ אֲשֶׁר תִּפְנֶה שָֽׁם ׃

1 Reis 2:3

בְּכָל ־ הַדֶּרֶךְ אֲשֶׁר צִוָּה יְהוָה אֱלֹהֵיכֶם אֶתְכֶם תֵּלֵכוּ לְמַעַן תִּֽחְיוּן וְטוֹב לָכֶם וְהַאֲרַכְתֶּם יָמִים בָּאָרֶץ אֲשֶׁר תִּֽירָשֽׁוּן ׃

Deuteronômio 5:33

אֹרַח לְחַיִּים שׁוֹמֵר מוּסָר וְעוֹזֵב תּוֹכַחַת מַתְעֶֽה ׃

Provérbios 10:17

תְּפַלְּטֵנִי מֵרִיבֵי עָם תְּשִׂימֵנִי לְרֹאשׁ גּוֹיִם עַם לֹא ־ יָדַעְתִּי יַֽעַבְדֽוּנִי ׃

Salmos 18:44

וַיֹּאמֶר שְׁמוּאֵל הַחֵפֶץ לַֽיהוָה בְּעֹלוֹת וּזְבָחִים כִּשְׁמֹעַ בְּקוֹל יְהוָה הִנֵּה שְׁמֹעַ מִזֶּבַח טוֹב לְהַקְשִׁיב מֵחֵלֶב אֵילִֽים ׃

1 Samuel 15:22

וְהָיָה אִם ־ שָׁמוֹעַ תִּשְׁמַע בְּקוֹל יְהוָה אֱלֹהֶיךָ לִשְׁמֹר לַעֲשׂוֹת אֶת ־ כָּל ־ מִצְוֺתָיו אֲשֶׁר אָנֹכִי מְצַוְּךָ הַיּוֹם וּנְתָנְךָ יְהוָה אֱלֹהֶיךָ עֶלְיוֹן עַל כָּל ־ גּוֹיֵי הָאָֽרֶץ ׃

Deuteronômio 28:1

מִֽי ־ יִתֵּן וְהָיָה לְבָבָם זֶה לָהֶם לְיִרְאָה אֹתִי וְלִשְׁמֹר אֶת ־ כָּל ־ מִצְוֺתַי כָּל ־ הַיָּמִים לְמַעַן יִיטַב לָהֶם וְלִבְנֵיהֶם לְעֹלָֽם ׃

Deuteronômio 5:29

נְצֹר בְּנִי מִצְוַת אָבִיךָ וְאַל ־ תִּטֹּשׁ תּוֹרַת אִמֶּֽךָ ׃

Provérbios 6:20

אִם ־ לֹא תִשְׁמְעוּ וְאִם ־ לֹא תָשִׂימוּ עַל ־ לֵב לָתֵת כָּבוֹד לִשְׁמִי אָמַר יְהוָה צְבָאוֹת וְשִׁלַּחְתִּי בָכֶם אֶת ־ הַמְּאֵרָה וְאָרוֹתִי אֶת ־ בִּרְכֽוֹתֵיכֶם וְגַם אָרוֹתִיהָ כִּי אֵינְכֶם שָׂמִים עַל ־ לֵֽב ׃

Malaquias 2:2