קְרָא אֵלַי וְאֶעֱנֶךָּ וְאַגִּידָה לְּךָ גְּדֹלוֹת וּבְצֻרוֹת לֹא יְדַעְתָּֽם ׃ ס

לְךָ דֻֽמִיָּה תְהִלָּה אֱלֹהִים בְּצִיּוֹן וּלְ/ךָ יְשֻׁלַּם ־ נֶֽדֶר ׃

מִזְמוֹר לְדָוִד בִּהְיוֹתוֹ בְּמִדְבַּר יְהוּדָֽה ׃

יִרְאֵי יְהוָה ׀ הַֽלְלוּהוּ כָּל ־ זֶרַע יַעֲקֹב כַּבְּדוּהוּ וְגוּרוּ מִמֶּנּוּ כָּל ־ זֶרַע יִשְׂרָאֵֽל ׃

אָהַבְתִּי כִּֽי ־ יִשְׁמַע ׀ יְהוָה אֶת ־ קוֹלִי תַּחֲנוּנָֽי ׃

כִּֽי ־ הִטָּה אָזְנוֹ לִי וּבְיָמַי אֶקְרָֽא ׃

וְעַתָּה יְהוָה אָבִינוּ אָתָּה אֲנַחְנוּ הַחֹמֶר וְאַתָּה יֹצְרֵנוּ וּמַעֲשֵׂה יָדְךָ כֻּלָּֽנוּ ׃

כִּי ־ עַם בְּצִיּוֹן יֵשֵׁב בִּירֽוּשָׁלִָם בָּכוֹ לֹֽא ־ תִבְכֶּה חָנוֹן יָחְנְךָ לְקוֹל זַעֲקֶךָ כְּשָׁמְעָתוֹ עָנָֽךְ ׃

וְהָיָה טֶֽרֶם ־ יִקְרָאוּ וַאֲנִי אֶעֱנֶה עוֹד הֵם מְדַבְּרִים וַאֲנִי אֶשְׁמָֽע ׃

עַל ־ אֱלֹהִים יִשְׁעִי וּכְבוֹדִי צוּר ־ עֻזִּי מַחְסִי בֵּֽאלֹהִֽים ׃

קוּמִי ׀ רֹנִּי בליל לְרֹאשׁ אַשְׁמֻרוֹת שִׁפְכִי כַמַּיִם לִבֵּךְ נֹכַח פְּנֵי אֲדֹנָי שְׂאִי אֵלָיו כַּפַּיִךְ עַל ־ נֶפֶשׁ עֽוֹלָלַיִךְ הָעֲטוּפִים בְּרָעָב בְּרֹאשׁ כָּל ־ חוּצֽוֹת ׃ ס

דּוֹם ׀ לַיהוָה וְהִתְחוֹלֵל לוֹ אַל ־ תִּתְחַר בְּמַצְלִיחַ דַּרְכּוֹ בְּאִישׁ עֹשֶׂה מְזִמּֽוֹת ׃

אֲנִי אֶל ־ אֱלֹהִים אֶקְרָא וַיהוָה יוֹשִׁיעֵֽנִי ׃

⁵ כִּי אֲפָפֻנִי מִשְׁבְּרֵי ־ מָוֶת נַחֲלֵי בְלִיַּעַל יְבַעֲתֻֽנִי ׃

⁶ חֶבְלֵי שְׁאוֹל סַבֻּנִי קִדְּמֻנִי מֹֽקְשֵׁי ־ מָֽוֶת ׃

⁷ בַּצַּר ־ לִי אֶקְרָא יְהוָה וְאֶל ־ אֱלֹהַי אֶקְרָא וַיִּשְׁמַע מֵהֵֽיכָלוֹ קוֹלִי וְשַׁוְעָתִי בְּאָזְנָֽיו ׃

אַשְׁרֵי נֹצְרֵי עֵדֹתָיו בְּכָל ־ לֵב יִדְרְשֽׁוּהוּ ׃

בְּכָל ־ לִבִּי דְרַשְׁתִּיךָ אַל ־ תַּשְׁגֵּנִי מִמִּצְוֺתֶֽיךָ ׃

אָוֶן אִם ־ רָאִיתִי בְלִבִּי לֹא יִשְׁמַע ׀ אֲדֹנָֽי ׃

חֶבְלֵי שְׁאוֹל סְבָבוּנִי קִדְּמוּנִי מוֹקְשֵׁי מָֽוֶת ׃

וּקְרָאתֶם אֹתִי וַֽהֲלַכְתֶּם וְהִתְפַּלַּלְתֶּם אֵלָי וְשָׁמַעְתִּי אֲלֵיכֶֽם ׃

וּבִקַּשְׁתֶּם אֹתִי וּמְצָאתֶם כִּי תִדְרְשֻׁנִי בְּכָל ־ לְבַבְכֶֽם ׃

אָוֶן אִם ־ רָאִיתִי בְלִבִּי לֹא יִשְׁמַע ׀ אֲדֹנָֽי ׃

אָכֵן שָׁמַע אֱלֹהִים הִקְשִׁיב בְּקוֹל תְּפִלָּתִֽי ׃

נַחְפְּשָׂה דְרָכֵינוּ וְֽנַחְקֹרָה וְנָשׁוּבָה עַד ־ יְהוָֽה ׃

נִשָּׂא לְבָבֵנוּ אֶל ־ כַּפָּיִם אֶל ־ אֵל בַּשָּׁמָֽיִם ׃

אֵלָיו פִּֽי ־ קָרָאתִי וְרוֹמַם תַּחַת לְשׁוֹנִֽי ׃

כֹּֽה ־ אָמַר יְהוָה קְדוֹשׁ יִשְׂרָאֵל וְיֹצְרוֹ הָאֹתִיּוֹת שְׁאָלוּנִי עַל ־ בָּנַי וְעַל ־ פֹּעַל יָדַי תְּצַוֻּֽנִי ׃

מֵסִיר אָזְנוֹ מִשְּׁמֹעַ תּוֹרָה גַּֽם ־ תְּפִלָּתוֹ תּוֹעֵבָֽה ׃

וְגַם ־ עַתָּה נְאֻם ־ יְהוָה שֻׁבוּ עָדַי בְּכָל ־ לְבַבְכֶם וּבְצוֹם וּבְבְכִי וּבְמִסְפֵּֽד ׃

וּקְרָאֵנִי בְּיוֹם צָרָה אֲחַלֶּצְךָ וּֽתְכַבְּדֵֽנִי ׃

קָרוֹב יְהוָה לְכָל ־ קֹרְאָיו לְכֹל אֲשֶׁר יִקְרָאֻהוּ בֶאֱמֶֽת ׃

כִּֽי ־ בָנָה יְהוָה צִיּוֹן נִרְאָה בִּכְבוֹדֽוֹ ׃

וַיַּרְא בַּצַּר לָהֶם בְּשָׁמְעוֹ אֶת ־ רִנָּתָֽם ׃

וַיִּזְכֹּר לָהֶם בְּרִיתוֹ וַיִּנָּחֵם כְּרֹב חסדו ׃

בְּנֵי אִישׁ עַד ־ מֶה כְבוֹדִי לִכְלִמָּה תֶּאֱהָבוּן רִיק תְּבַקְשׁוּ כָזָב סֶֽלָה ׃

הַקְשִׁיבָה ׀ לְקוֹל שַׁוְעִי מַלְכִּי וֵאלֹהָי כִּֽי ־ אֵלֶיךָ אֶתְפַּלָּֽל ׃

דִּרְשׁוּ יְהוָה בְּהִמָּצְאוֹ קְרָאֻהוּ בִּֽהְיוֹתוֹ קָרֽוֹב ׃