לִמְנוֹת יָמֵינוּ כֵּן הוֹדַע וְנָבִא לְבַב חָכְמָֽה ׃

יִזְכֹּר כָּל ־ מִנְחֹתֶךָ וְעוֹלָתְךָ יְדַשְּׁנֶה סֶֽלָה ׃

כִּי לֹא מַחְשְׁבוֹתַי מַחְשְׁבוֹתֵיכֶם וְלֹא דַרְכֵיכֶם דְּרָכָי נְאֻם יְהוָֽה ׃

רַבּוֹת מַחֲשָׁבוֹת בְּלֶב ־ אִישׁ וַעֲצַת יְהוָה הִיא תָקֽוּם ׃

לַכֹּל זְמָן וְעֵת לְכָל ־ חֵפֶץ תַּחַת הַשָּׁמָֽיִם ׃ ס

כִּי אָנֹכִי יָדַעְתִּי אֶת ־ הַמַּחֲשָׁבֹת אֲשֶׁר אָנֹכִי חֹשֵׁב עֲלֵיכֶם נְאֻם ־ יְהוָה מַחְשְׁבוֹת שָׁלוֹם וְלֹא לְרָעָה לָתֵת לָכֶם אַחֲרִית וְתִקְוָֽה ׃

אַל ־ תִּיגַע לְֽהַעֲשִׁיר מִֽבִּינָתְךָ חֲדָֽל ׃

כִּי לֹא יַעֲשֶׂה אֲדֹנָי יְהוִה דָּבָר כִּי אִם ־ גָּלָה סוֹדוֹ אֶל ־ עֲבָדָיו הַנְּבִיאִֽים ׃

הַשְׁמִיעֵנִי בַבֹּקֶר ׀ חַסְדֶּךָ כִּֽי ־ בְךָ בָטָחְתִּי הוֹדִיעֵנִי דֶּֽרֶךְ ־ זוּ אֵלֵךְ כִּֽי ־ אֵלֶיךָ נָשָׂאתִי נַפְשִֽׁי ׃

הָפֵר מַחֲשָׁבוֹת בְּאֵין סוֹד וּבְרֹב יוֹעֲצִים תָּקֽוּם ׃

לֵב אָדָם יְחַשֵּׁב דַּרְכּוֹ וַֽיהוָה יָכִין צַעֲדֽוֹ ׃

כִּֽי ־ גָבְהוּ שָׁמַיִם מֵאָרֶץ כֵּן גָּבְהוּ דְרָכַי מִדַּרְכֵיכֶם וּמַחְשְׁבֹתַי מִמַּחְשְׁבֹתֵיכֶֽם ׃

אַל ־ תְּקַנֵּא בְּאִישׁ חָמָס וְאַל ־ תִּבְחַר בְּכָל ־ דְּרָכָֽיו ׃

כִּי תוֹעֲבַת יְהוָה נָלוֹז וְֽאֶת ־ יְשָׁרִים סוֹדֽוֹ ׃

גַּם ־ זֹאת מֵעִם יְהוָה צְבָאוֹת יָצָאָה הִפְלִיא עֵצָה הִגְדִּיל תּוּשִׁיָּֽה ׃ ס

גֹּל אֶל ־ יְהוָה מַעֲשֶׂיךָ וְיִכֹּנוּ מַחְשְׁבֹתֶֽיךָ ׃