בִּטְחוּ בַֽיהוָה עֲדֵי ־ עַד כִּי בְּיָהּ יְהוָה צוּר עוֹלָמִֽים ׃

מֹשֵׁל בִּגְבוּרָתוֹ ׀ עוֹלָם עֵינָיו בַּגּוֹיִם תִּצְפֶּינָה הַסּוֹרְרִים ׀ אַל ־ ירימו לָמוֹ סֶֽלָה ׃

יְהוָה אֱלֹהַיִךְ בְּקִרְבֵּך גִּבּוֹר יוֹשִׁיעַ יָשִׂישׂ עָלַיִךְ בְּשִׂמְחָה יַחֲרִישׁ בְּאַהֲבָתוֹ יָגִיל עָלַיִךְ בְּרִנָּֽה ׃

יוֹצֵר אוֹר וּבוֹרֵא חֹשֶׁךְ עֹשֶׂה שָׁלוֹם וּבוֹרֵא רָע אֲנִי יְהוָה עֹשֶׂה כָל ־ אֵֽלֶּה ׃ ס

חֲכַם לֵבָב וְאַמִּיץ כֹּחַ מִֽי ־ הִקְשָׁה אֵלָיו וַיִּשְׁלָֽם ׃

תָּבוֹא לְפָנֶיךָ אֶנְקַת אָסִיר כְּגֹדֶל זְרוֹעֲךָ הוֹתֵר בְּנֵי תְמוּתָֽה ׃

הֶן ־ אֵלֶּה ׀ קְצוֹת דרכו וּמַה ־ שֵּׁמֶץ דָּבָר נִשְׁמַע ־ בּוֹ וְרַעַם גבורתו מִי יִתְבּוֹנָֽן ׃ ס

אַל ־ תִּבְטְחוּ בְעֹשֶׁק וּבְגָזֵל אַל ־ תֶּהְבָּלוּ חַיִל ׀ כִּֽי ־ יָנוּב אַל ־ תָּשִׁיתוּ לֵֽב ׃

בְּיָד חֲזָקָה וּבִזְרוֹעַ נְטוּיָה כִּי לְעוֹלָם חַסְדּֽוֹ ׃

עֹשֵׂה אֶרֶץ בְּכֹחוֹ מֵכִין תֵּבֵל בְּחָכְמָתוֹ וּבִתְבוּנָתוֹ נָטָה שָׁמָֽיִם ׃