יָדַעְתִּי כִּי כָּל ־ אֲשֶׁר יַעֲשֶׂה הָאֱלֹהִים הוּא יִהְיֶה לְעוֹלָם עָלָיו אֵין לְהוֹסִיף וּמִמֶּנּוּ אֵין לִגְרֹעַ וְהָאֱלֹהִים עָשָׂה שֶׁיִּֽרְאוּ מִלְּפָנָֽיו ׃

בְּלִבִּי צָפַנְתִּי אִמְרָתֶךָ לְמַעַן לֹא אֶֽחֱטָא ־ לָֽךְ ׃

¹ לַמְנַצֵּחַ מִזְמוֹר לְדָוִֽד ׃

² הַשָּׁמַיִם מְֽסַפְּרִים כְּבֽוֹד ־ אֵל וּֽמַעֲשֵׂה יָדָיו מַגִּיד הָרָקִֽיעַ ׃

³ יוֹם לְיוֹם יַבִּיעַֽ אֹמֶר וְלַיְלָה לְּלַיְלָה יְחַוֶּה ־ דָּֽעַת ׃

⁴ אֵֽין ־ אֹמֶר וְאֵין דְּבָרִים בְּלִי נִשְׁמָע קוֹלָֽם ׃

⁵ בְּכָל ־ הָאָרֶץ ׀ יָצָא קַוָּם וּבִקְצֵה תֵבֵל מִלֵּיהֶם לַשֶּׁמֶשׁ שָֽׂם ־ אֹהֶל בָּהֶֽם ׃

⁶ וְהוּא כְּחָתָן יֹצֵא מֵחֻפָּתוֹ יָשִׂישׂ כְּגִבּוֹר לָרוּץ אֹֽרַח ׃

⁷ מִקְצֵה הַשָּׁמַיִם ׀ מֽוֹצָאוֹ וּתְקוּפָתוֹ עַל ־ קְצוֹתָם וְאֵין נִסְתָּר מֵֽחַמָּתוֹ ׃

⁸ תּוֹרַת יְהוָה תְּמִימָה מְשִׁיבַת נָפֶשׁ עֵדוּת יְהוָה נֶאֱמָנָה מַחְכִּימַת פֶּֽתִי ׃

מִשֹּׁד עֲנִיִּים מֵאַנְקַת אֶבְיוֹנִים עַתָּה אָקוּם יֹאמַר יְהוָה אָשִׁית בְּיֵשַׁע יָפִיחַֽ לֽוֹ ׃

אִֽמֲרוֹת יְהוָה אֲמָרוֹת טְהֹרוֹת כֶּסֶף צָרוּף בַּעֲלִיל לָאָרֶץ מְזֻקָּק שִׁבְעָתָֽיִם ׃

⁶ וְהָיוּ הַדְּבָרִים הָאֵלֶּה אֲשֶׁר אָנֹכִי מְצַוְּךָ הַיּוֹם עַל ־ לְבָבֶֽךָ ׃

⁷ וְשִׁנַּנְתָּם לְבָנֶיךָ וְדִבַּרְתָּ בָּם בְּשִׁבְתְּךָ בְּבֵיתֶךָ וּבְלֶכְתְּךָ בַדֶּרֶךְ וּֽבְשָׁכְבְּךָ וּבְקוּמֶֽךָ ׃

⁸ וּקְשַׁרְתָּם לְאוֹת עַל ־ יָדֶךָ וְהָיוּ לְטֹטָפֹת בֵּין עֵינֶֽיךָ ׃

⁹ וּכְתַבְתָּם עַל ־ מְזוּזֹת בֵּיתֶךָ וּבִשְׁעָרֶֽיךָ ׃ ס

יָבֵשׁ חָצִיר נָבֵֽל צִיץ וּדְבַר ־ אֱלֹהֵינוּ יָקוּם לְעוֹלָֽם ׃ ס