¹⁷ שֶׁקֶר הַסּוּס לִתְשׁוּעָה וּבְרֹב חֵילוֹ לֹא יְמַלֵּֽט ׃

¹⁸ הִנֵּה עֵין יְהוָה אֶל ־ יְרֵאָיו לַֽמְיַחֲלִים לְחַסְדּֽוֹ ׃

¹⁹ לְהַצִּיל מִמָּוֶת נַפְשָׁם וּלְחַיּוֹתָם בָּרָעָֽב ׃

שָׁם אַצְמִיחַ קֶרֶן לְדָוִד עָרַכְתִּי נֵר לִמְשִׁיחִֽי ׃

אוֹיְבָיו אַלְבִּישׁ בֹּשֶׁת וְעָלָיו יָצִיץ נִזְרֽוֹ ׃

סוּס מוּכָן לְיוֹם מִלְחָמָה וְלַֽיהוָה הַתְּשׁוּעָֽה ׃

יְהוָה יִגְמֹר בַּעֲדִי יְהוָה חַסְדְּךָ לְעוֹלָם מַעֲשֵׂי יָדֶיךָ אַל ־ תֶּֽרֶף ׃

אִם ־ תֹּאבוּ וּשְׁמַעְתֶּם טוּב הָאָרֶץ תֹּאכֵֽלוּ ׃

וְאִם ־ תְּמָאֲנוּ וּמְרִיתֶם חֶרֶב תְּאֻכְּלוּ כִּי פִּי יְהוָה דִּבֵּֽר ׃ ס

צְדָקָה תִּצֹּר תָּם ־ דָּרֶךְ וְרִשְׁעָה תְּסַלֵּף חַטָּֽאת ׃

אַךְ אֶל ־ אֱלֹהִים דּֽוּמִיָּה נַפְשִׁי מִמֶּנּוּ יְשׁוּעָתִֽי ׃

רַבִּים אֹמְרִים לְנַפְשִׁי אֵין יְֽשׁוּעָתָה לּוֹ בֵֽאלֹהִים סֶֽלָה ׃

וַעֲשִׂיתֶם אֶת ־ חֻקֹּתַי וְאֶת ־ מִשְׁפָּטַי תִּשְׁמְרוּ וַעֲשִׂיתֶם אֹתָם וִֽישַׁבְתֶּם עַל ־ הָאָרֶץ לָבֶֽטַח ׃

וְהוּא יִשְׁפֹּֽט ־ תֵּבֵל בְּצֶדֶק יָדִין לְאֻמִּים בְּמֵישָׁרִֽים ׃

חָלְקוּ ׀ מַחְמָאֹת פִּיו וּֽקֲרָב ־ לִבּוֹ רַכּוּ דְבָרָיו מִשֶּׁמֶן וְהֵמָּה פְתִחֽוֹת ׃

כִּי טֽוֹב ־ יוֹם בַּחֲצֵרֶיךָ מֵאָלֶף בָּחַרְתִּי הִסְתּוֹפֵף בְּבֵית אֱלֹהַי מִדּוּר בְּאָהֳלֵי ־ רֶֽשַׁע ׃

וָֽאֶהְיֶה עִמְּךָ בְּכֹל אֲשֶׁר הָלַכְתָּ וָאַכְרִית אֶת ־ כָּל ־ אוֹיְבֶיךָ מִפָּנֶיךָ וְעָשִׂיתִֽי לְךָ שֵׁם כְּשֵׁם הַגְּדוֹלִים אֲשֶׁר בָּאָֽרֶץ ׃

שִׁיר הַֽמַּֽעֲלוֹת לִשְׁלֹמֹה אִם ־ יְהוָה ׀ לֹא ־ יִבְנֶה בַיִת שָׁוְא ׀ עָמְלוּ בוֹנָיו בּוֹ אִם ־ יְהוָה לֹֽא ־ יִשְׁמָר ־ עִיר שָׁוְא ׀ שָׁקַד שׁוֹמֵֽר ׃

יְראוּ אֶת ־ יְהוָה קְדֹשָׁיו כִּי ־ אֵין מַחְסוֹר לִירֵאָֽיו ׃

צִדְקָתְךָ לֹא ־ כִסִּיתִי ׀ בְּתוֹךְ לִבִּי אֱמוּנָתְךָ וּתְשׁוּעָתְךָ אָמָרְתִּי לֹא ־ כִחַדְתִּי חַסְדְּךָ וַאֲמִתְּךָ לְקָהָל רָֽב ׃

לְדָוִד ׀ בָּרוּךְ יְהוָה ׀ צוּרִי הַֽמְלַמֵּד יָדַי לַקְרָב אֶצְבְּעוֹתַי לַמִּלְחָמָֽה ׃

חַסְדִּי וּמְצוּדָתִי מִשְׂגַּבִּי וּֽמְפַלְטִי לִי מָגִנִּי וּב/וֹ חָסִיתִי הָרוֹדֵד עַמִּי תַחְתָּֽי ׃

מִגְדַּל ־ עֹז שֵׁם יְהוָה בּֽוֹ ־ יָרוּץ צַדִּיק וְנִשְׂגָּֽב ׃

יִפֹּל מִצִּדְּךָ ׀ אֶלֶף וּרְבָבָה מִימִינֶךָ אֵלֶיךָ לֹא יִגָּֽשׁ ׃

אֹהֲבֵי יְהוָה שִׂנְאוּ רָע שֹׁמֵר נַפְשׁוֹת חֲסִידָיו מִיַּד רְשָׁעִים יַצִּילֵֽם ׃

טוֹב לַחֲסוֹת בַּיהוָה מִבְּטֹחַ בָּאָדָֽם ׃

פּוֹתֵחַ אֶת ־ יָדֶךָ וּמַשְׂבִּיעַ לְכָל ־ חַי רָצֽוֹן ׃

מִכְתָּם לְדָוִד שָֽׁמְרֵנִי אֵל כִּֽי ־ חָסִיתִי בָֽךְ ׃

הַֽאֲשִׁימֵם ׀ אֱ‍ֽלֹהִים יִפְּלוּ מִֽמֹּעֲצוֹתֵיהֶם בְּרֹב פִּשְׁעֵיהֶם הַדִּיחֵמוֹ כִּי ־ מָרוּ בָֽךְ ׃

וְיִשְׂמְחוּ כָל ־ חוֹסֵי בָךְ לְעוֹלָם יְרַנֵּנוּ וְתָסֵךְ עָלֵימוֹ וְֽיַעְלְצוּ בְךָ אֹהֲבֵי שְׁמֶֽךָ ׃ כִּֽי ־ אַתָּה תְּבָרֵךְ צַדִּיק יְהוָה כַּצִּנָּה רָצוֹן תַּעְטְרֶֽנּוּ ׃

הַנּוֹתֵן תְּשׁוּעָה לַמְּלָכִים הַפּוֹצֶה אֶת ־ דָּוִד עַבְדּוֹ מֵחֶרֶב רָעָֽה ׃

יְהוָה יִלָּחֵם לָכֶם וְאַתֶּם תַּחֲרִישֽׁוּן ׃ פ

יַגִּירֻהוּ עַל ־ יְדֵי ־ חָרֶב מְנָת שֻׁעָלִים יִהְיֽוּ ׃ וְהַמֶּלֶךְ יִשְׂמַח בֵּאלֹהִים יִתְהַלֵּל כָּל ־ הַנִּשְׁבָּע בּוֹ כִּי יִסָּכֵר פִּי דֽוֹבְרֵי ־ שָֽׁקֶר ׃

מִֽכָּל ־ מִשְׁמָר נְצֹר לִבֶּךָ כִּֽי ־ מִמֶּנּוּ תּוֹצְאוֹת חַיִּֽים ׃

⁸ הֲיִקְבַּע אָדָם אֱלֹהִים כִּי אַתֶּם קֹבְעִים אֹתִי וַאֲמַרְתֶּם בַּמֶּה קְבַעֲנוּךָ הַֽמַּעֲשֵׂר וְהַתְּרוּמָֽה ׃

⁹ בַּמְּאֵרָה אַתֶּם נֵֽאָרִים וְאֹתִי אַתֶּם קֹבְעִים הַגּוֹי כֻּלּֽוֹ ׃

¹⁰ הָבִיאוּ אֶת ־ כָּל ־ הַֽמַּעֲשֵׂר אֶל ־ בֵּית הָאוֹצָר וִיהִי טֶרֶף בְּבֵיתִי וּבְחָנוּנִי נָא בָּזֹאת אָמַר יְהוָה צְבָאוֹת אִם ־ לֹא אֶפְתַּח לָכֶם אֵת אֲרֻבּוֹת הַשָּׁמַיִם וַהֲרִיקֹתִי לָכֶם בְּרָכָה עַד ־ בְּלִי ־ דָֽי ׃

מְעֹנָה אֱלֹהֵי קֶדֶם וּמִתַּחַת זְרֹעֹת עוֹלָם וַיְגָרֶשׁ מִפָּנֶיךָ אוֹיֵב וַיֹּאמֶר הַשְׁמֵֽד ׃

לְדָוִד ׀ יְהוָה ׀ אוֹרִי וְיִשְׁעִי מִמִּי אִירָא יְהוָה מָֽעוֹז ־ חַיַּי מִמִּי אֶפְחָֽד ׃

⁶ כִּֽי ־ יְהוָה יִתֵּן חָכְמָה מִפִּיו דַּעַת וּתְבוּנָֽה ׃

⁷ וצפן לַיְשָׁרִים תּוּשִׁיָּה מָגֵן לְהֹלְכֵי תֹֽם ׃

⁸ לִנְצֹר אָרְחוֹת מִשְׁפָּט וְדֶרֶךְ חסידו יִשְׁמֹֽר ׃

⁷ כִּֽי ־ תְשִׁיתֵהוּ בְרָכוֹת לָעַד תְּחַדֵּהוּ בְשִׂמְחָה אֶת ־ פָּנֶֽיךָ ׃

⁸ כִּֽי ־ הַמֶּלֶךְ בֹּטֵחַ בַּיהוָה וּבְחֶסֶד עֶלְיוֹן בַּל ־ יִמּֽוֹט ׃

⁹ תִּמְצָא יָדְךָ לְכָל ־ אֹיְבֶיךָ יְמִֽינְךָ תִּמְצָא שֹׂנְאֶֽיךָ ׃

לַמְנַצֵּחַ לִבְנֵי ־ קֹרַח עַֽל ־ עֲלָמוֹת שִֽׁיר ׃

כִּֽי ־ בְךָ אָרֻץ גְּדוּד וּבֵֽאלֹהַי אֲדַלֶּג ־ שֽׁוּר ׃

צַדִּיק אֹכֵל לְשֹׂבַע נַפְשׁוֹ וּבֶטֶן רְשָׁעִים תֶּחְסָֽר ׃ פ

וְֽצַדִּיקִים יִשְׂמְחוּ יַֽעַלְצוּ לִפְנֵי אֱלֹהִים וְיָשִׂישׂוּ בְשִׂמְחָֽה ׃

שִׁירוּ ׀ לֵֽאלֹהִים זַמְּרוּ שְׁמוֹ סֹלּוּ לָרֹכֵב בָּעֲרָבוֹת בְּיָהּ שְׁמוֹ וְעִלְזוּ לְפָנָֽיו ׃

¹ שִׁיר לַֽמַּעֲלוֹת אֶשָּׂא עֵינַי אֶל ־ הֶהָרִים מֵאַיִן יָבֹא עֶזְרִֽי ׃

² עֶזְרִי מֵעִם יְהוָה עֹשֵׂה שָׁמַיִם וָאָֽרֶץ ׃

³ אַל ־ יִתֵּן לַמּוֹט רַגְלֶךָ אַל ־ יָנוּם שֹֽׁמְרֶֽךָ ׃

⁴ הִנֵּה לֹֽא ־ יָנוּם וְלֹא יִישָׁן שׁוֹמֵר יִשְׂרָאֵֽל ׃

⁵ יְהוָה שֹׁמְרֶךָ יְהוָה צִלְּךָ עַל ־ יַד יְמִינֶֽךָ ׃

⁶ יוֹמָם הַשֶּׁמֶשׁ לֹֽא ־ יַכֶּכָּה וְיָרֵחַ בַּלָּֽיְלָה ׃

⁷ יְֽהוָה יִשְׁמָרְךָ מִכָּל ־ רָע יִשְׁמֹר אֶת ־ נַפְשֶֽׁךָ ׃

⁸ יְֽהוָה יִשְׁמָר ־ צֵאתְךָ וּבוֹאֶךָ מֵֽעַתָּה וְעַד ־ עוֹלָֽם ׃

תְּמוֹתֵת רָשָׁע רָעָה וְשֹׂנְאֵי צַדִּיק יֶאְשָֽׁמוּ ׃ פּוֹדֶה יְהוָה נֶפֶשׁ עֲבָדָיו וְלֹא יֶאְשְׁמוּ כָּֽל ־ הַחֹסִים בּֽוֹ ׃

כָּל ־ אִמְרַת אֱלוֹהַּ צְרוּפָה מָגֵן הוּא לַֽחֹסִים בּֽוֹ ׃

כָּל ־ כְּלִי יוּצַר עָלַיִךְ לֹא יִצְלָח וְכָל ־ לָשׁוֹן תָּֽקוּם ־ אִתָּךְ לַמִּשְׁפָּט תַּרְשִׁיעִי זֹאת נַחֲלַת עַבְדֵי יְהוָה וְצִדְקָתָם מֵאִתִּי נְאֻם ־ יְהוָֽה ׃ ס

שִׁוִּיתִי יְהוָה לְנֶגְדִּי תָמִיד כִּי מִֽימִינִי בַּל ־ אֶמּֽוֹט ׃

וְעַתָּה הוֹאֵל וּבָרֵךְ אֶת ־ בֵּית עַבְדְּךָ לִהְיוֹת לְעוֹלָם לְפָנֶיךָ כִּֽי ־ אַתָּה אֲדֹנָי יְהוִה דִּבַּרְתָּ וּמִבִּרְכָתְךָ יְבֹרַךְ בֵּֽית ־ עַבְדְּךָ לְעוֹלָֽם ׃ פ

כְּצִפֳּרִים עָפוֹת כֵּן יָגֵן יְהוָה צְבָאוֹת עַל ־ יְרֽוּשָׁלִָם גָּנוֹן וְהִצִּיל פָּסֹחַ וְהִמְלִֽיט ׃

לִמְדוּ הֵיטֵב דִּרְשׁוּ מִשְׁפָּט אַשְּׁרוּ חָמוֹץ שִׁפְטוּ יָתוֹם רִיבוּ אַלְמָנָֽה ׃ ס

כִּי מִי ־ אֵל מִבַּלְעֲדֵי יְהוָה וּמִי צוּר מִֽבַּלְעֲדֵי אֱלֹהֵֽינוּ ׃

טוֹב יְהוָה לְמָעוֹז בְּיוֹם צָרָה וְיֹדֵעַ חֹסֵי בֽוֹ ׃

נָתַתָּה שִׂמְחָה בְלִבִּי מֵעֵת דְּגָנָם וְתִֽירוֹשָׁם רָֽבּוּ ׃ בְּשָׁלוֹם יַחְדָּו אֶשְׁכְּבָה וְאִישָׁן כִּֽי ־ אַתָּה יְהוָה לְבָדָד לָבֶטַח תּוֹשִׁיבֵֽנִי ׃

לְבִנְיָמִן אָמַר יְדִיד יְהֹוָה יִשְׁכֹּן לָבֶטַח עָלָיו חֹפֵף עָלָיו כָּל ־ הַיּוֹם וּבֵין כְּתֵיפָיו שָׁכֵֽן ׃ ס

בְּאֶבְרָתוֹ ׀ יָסֶךְ לָךְ וְתַֽחַת ־ כְּנָפָיו תֶּחְסֶה צִנָּה וְֽסֹחֵרָה אֲמִתּֽוֹ ׃

בְּטַח בַּֽיהוָה וַעֲשֵׂה ־ טוֹב שְׁכָן ־ אֶרֶץ וּרְעֵה אֱמוּנָֽה ׃

¹ מִזְמוֹר לְדָוִד בְּבָרְחוֹ מִפְּנֵי ׀ אַבְשָׁלוֹם בְּנֽוֹ ׃

² יְהוָה מָֽה ־ רַבּוּ צָרָי רַבִּים קָמִים עָלָֽי ׃

³ רַבִּים אֹמְרִים לְנַפְשִׁי אֵין יְֽשׁוּעָתָה לּוֹ בֵֽאלֹהִים סֶֽלָה ׃

⁴ וְאַתָּה יְהוָה מָגֵן בַּעֲדִי כְּבוֹדִי וּמֵרִים רֹאשִֽׁי ׃

⁵ קוֹלִי אֶל ־ יְהוָה אֶקְרָא וַיַּֽעֲנֵנִי מֵהַר קָדְשׁוֹ סֶֽלָה ׃

⁶ אֲנִי שָׁכַבְתִּי וָֽאִישָׁנָה הֱקִיצוֹתִי כִּי יְהוָה יִסְמְכֵֽנִי ׃

עָלִיתָ לַמָּרוֹם ׀ שָׁבִיתָ שֶּׁבִי לָקַחְתָּ מַתָּנוֹת בָּאָדָם וְאַף סוֹרְרִים לִשְׁכֹּן ׀ יָהּ אֱלֹהִֽים ׃

וְנָתַתִּי אוֹתָם וּסְבִיבוֹת גִּבְעָתִי בְּרָכָה וְהוֹרַדְתִּי הַגֶּשֶׁם בְּעִתּוֹ גִּשְׁמֵי בְרָכָה יִֽהְיֽוּ ׃

מִזְמוֹר לְדָוִד יְהוָה רֹעִי לֹא אֶחְסָֽר ׃

יֵצֶר סָמוּךְ תִּצֹּר שָׁלוֹם ׀ שָׁלוֹם כִּי בְךָ בָּטֽוּחַ ׃

מְלַמֵּד יָדַי לַמִּלְחָמָה וְֽנִחֲתָה קֶֽשֶׁת ־ נְחוּשָׁה זְרוֹעֹתָֽי ׃

וַתִּתֶּן ־ לִי מָגֵן יִשְׁעֶךָ וִֽימִינְךָ תִסְעָדֵנִי וְֽעַנְוַתְךָ תַרְבֵּֽנִי ׃

וַיָּשֶׂם דָּוִד נְצִבִים בַּאֲרַם דַּמֶּשֶׂק וַתְּהִי אֲרָם לְדָוִד לַעֲבָדִים נוֹשְׂאֵי מִנְחָה וַיֹּשַׁע יְהוָה אֶת ־ דָּוִד בְּכֹל אֲשֶׁר הָלָֽךְ ׃

נַעַר ׀ הָיִיתִי גַּם ־ זָקַנְתִּי וְֽלֹא ־ רָאִיתִי צַדִּיק נֶעֱזָב וְזַרְעוֹ מְבַקֶּשׁ ־ לָֽחֶם ׃

יְהוָה לִי לֹא אִירָא מַה ־ יַּעֲשֶׂה לִי אָדָֽם ׃

⁶ אֲנִֽי ־ קְרָאתִיךָ כִֽי ־ תַעֲנֵנִי אֵל הַֽט ־ אָזְנְךָ לִי שְׁמַע אִמְרָתִֽי ׃

⁷ הַפְלֵה חֲסָדֶיךָ מוֹשִׁיעַ חוֹסִים מִמִּתְקוֹמְמִים בִּֽימִינֶֽךָ ׃

⁸ שָׁמְרֵנִי כְּאִישׁוֹן בַּת ־ עָיִן בְּצֵל כְּנָפֶיךָ תַּסְתִּירֵֽנִי ׃

⁹ מִפְּנֵי רְשָׁעִים זוּ שַׁדּוּנִי אֹיְבַי בְּנֶפֶשׁ יַקִּיפוּ עָלָֽי ׃

⁷ עֹשֶׂה מִשְׁפָּט ׀ לָעֲשׁוּקִים נֹתֵן לֶחֶם לָרְעֵבִים יְהוָה מַתִּיר אֲסוּרִֽים ׃

⁸ יְהוָה ׀ פֹּקֵחַ עִוְרִים יְהוָה זֹקֵף כְּפוּפִים יְהוָה אֹהֵב צַדִּיקִֽים ׃

⁹ יְהוָה ׀ שֹׁמֵר אֶת ־ גֵּרִים יָתוֹם וְאַלְמָנָה יְעוֹדֵד וְדֶרֶךְ רְשָׁעִים יְעַוֵּֽת ׃

לַמְנַצֵּחַ מִזְמוֹר לְדָוִֽד ׃

יַֽעַנְךָ יְהוָה בְּיוֹם צָרָה יְשַׂגֶּבְךָ שֵׁם ׀ אֱלֹהֵי יַעֲקֹֽב ׃

כִּֽי ־ יְהוָה יִהְיֶה בְכִסְלֶךָ וְשָׁמַר רַגְלְךָ מִלָּֽכֶד ׃

שָׁמְרָה נַפְשִׁי וְהַצִּילֵנִי אַל ־ אֵבוֹשׁ כִּֽי ־ חָסִיתִי בָֽךְ ׃

תֹּם ־ וָיֹשֶׁר יִצְּרוּנִי כִּי קִוִּיתִֽיךָ ׃

⁶ שֹׁמֵר פְּתָאיִם יְהֹוָה דַּלּוֹתִי וְלִ/י יְהוֹשִֽׁיעַ ׃

⁷ שׁוּבִי נַפְשִׁי לִמְנוּחָיְכִי כִּֽי ־ יְהוָה גָּמַל עָלָֽיְכִי ׃

⁸ כִּי חִלַּצְתָּ נַפְשִׁי מִמָּוֶת אֶת ־ עֵינִי מִן ־ דִּמְעָה אֶת ־ רַגְלִי מִדֶּֽחִי ׃

⁹ אֶתְהַלֵּךְ לִפְנֵי יְהוָה בְּאַרְצוֹת הַֽחַיִּֽים ׃

כִּי לֹא יַעֲשֶׂה אֲדֹנָי יְהוִה דָּבָר כִּי אִם ־ גָּלָה סוֹדוֹ אֶל ־ עֲבָדָיו הַנְּבִיאִֽים ׃

סִתְרִי וּמָגִנִּי אָתָּה לִדְבָרְךָ יִחָֽלְתִּי ׃

הוֹלֵךְ בַּתֹּם יֵלֶךְ בֶּטַח וּמְעַקֵּשׁ דְּרָכָיו יִוָּדֵֽעַ ׃

עָרוּם רָאָה רָעָה נִסְתָּר פְּתָאיִם עָבְרוּ נֶעֱנָֽשׁוּ ׃

יֹשֵׁב בְּסֵתֶר עֶלְיוֹן בְּצֵל שַׁדַּי יִתְלוֹנָֽן ׃

אֹמַר לַֽיהוָה מַחְסִי וּמְצוּדָתִי אֱלֹהַי אֶבְטַח ־ בּֽוֹ ׃

כִּי בְּצֵל הַֽחָכְמָה בְּצֵל הַכָּסֶף וְיִתְרוֹן דַּעַת הַֽחָכְמָה תְּחַיֶּה בְעָלֶֽיהָ ׃

בְּיִרְאַת יְהוָה מִבְטַח ־ עֹז וּלְבָנָיו יִהְיֶה מַחְסֶֽה ׃

זֶה עָנִי קָרָא וַיהוָה שָׁמֵעַ וּמִכָּל ־ צָרוֹתָיו הוֹשִׁיעֽוֹ ׃

נַפְשֵׁנוּ חִכְּתָה לַֽיהוָה עֶזְרֵנוּ וּמָגִנֵּנוּ הֽוּא ׃

וַהֲקִמֹתִי אֶת ־ בְּרִיתִי אִתְּכֶם וְלֹֽא ־ יִכָּרֵת כָּל ־ בָּשָׂר עוֹד מִמֵּי הַמַּבּוּל וְלֹֽא ־ יִהְיֶה עוֹד מַבּוּל לְשַׁחֵת הָאָֽרֶץ ׃

אַתָּה ׀ סֵתֶר לִי מִצַּר תִּצְּרֵנִי רָנֵּי פַלֵּט תְּסוֹבְבֵנִי סֶֽלָה ׃

הֵמָּה ינועון לֶאֱכֹל אִם ־ לֹא יִשְׂבְּעוּ וַיָּלִֽינוּ ׃

כִּי הִרְוֵיתִי נֶפֶשׁ עֲיֵפָה וְכָל ־ נֶפֶשׁ דָּאֲבָה מִלֵּֽאתִי ׃

חִזְקוּ וְאִמְצוּ אַל ־ תִּֽירְאוּ וְאַל ־ תַּעַרְצוּ מִפְּנֵיהֶם כִּי ׀ יְהוָה אֱלֹהֶיךָ הוּא הַהֹלֵךְ עִמָּךְ לֹא יַרְפְּךָ וְלֹא יַעַזְבֶֽךָּ ׃ פ

לֹֽא ־ יִהְיֶה בְךָ אֵל זָר וְלֹא תִשְׁתַּחֲוֶה לְאֵל נֵכָֽר ׃

כִּֽי ־ אַתָּה יְהוָה מַחְסִי עֶלְיוֹן שַׂמְתָּ מְעוֹנֶֽךָ ׃

לֹֽא ־ תְאֻנֶּה אֵלֶיךָ רָעָה וְנֶגַע לֹא ־ יִקְרַב בְּאָהֳלֶֽךָ ׃

וְעַד ־ זִקְנָה אֲנִי הוּא וְעַד ־ שֵיבָה אֲנִי אֶסְבֹּל אֲנִי עָשִׂיתִי וַאֲנִי אֶשָּׂא וַאֲנִי אֶסְבֹּל וַאֲמַלֵּֽט ׃ ס