רָשָׁע עֹשֶׂה פְעֻלַּת ־ שָׁקֶר וְזֹרֵעַ צְדָקָה שֶׂכֶר אֱמֶֽת ׃

יָדַעְתִּי כִּי אֵין טוֹב בָּם כִּי אִם ־ לִשְׂמוֹחַ וְלַעֲשׂוֹת טוֹב בְּחַיָּֽיו ׃

וְגַם כָּל ־ הָאָדָם שֶׁיֹּאכַל וְשָׁתָה וְרָאָה טוֹב בְּכָל ־ עֲמָלוֹ מַתַּת אֱלֹהִים הִֽיא ׃

מַתָּן אָדָם יַרְחִיב לוֹ וְלִפְנֵי גְדֹלִים יַנְחֶֽנּוּ ׃

בְּכָל ־ הַדֶּרֶךְ אֲשֶׁר צִוָּה יְהוָה אֱלֹהֵיכֶם אֶתְכֶם תֵּלֵכוּ לְמַעַן תִּֽחְיוּן וְטוֹב לָכֶם וְהַאֲרַכְתֶּם יָמִים בָּאָרֶץ אֲשֶׁר תִּֽירָשֽׁוּן ׃

וּבִקַּשְׁתֶּם מִשָּׁם אֶת ־ יְהוָה אֱלֹהֶיךָ וּמָצָאתָ כִּי תִדְרְשֶׁנּוּ בְּכָל ־ לְבָבְךָ וּבְכָל ־ נַפְשֶֽׁךָ ׃

עֵקֶב עֲנָוָה יִרְאַת יְהוָה עֹשֶׁר וְכָבוֹד וְחַיִּֽים ׃

כִּי לֹא הַרְבֵּה יִזְכֹּר אֶת ־ יְמֵי חַיָּיו כִּי הָאֱלֹהִים מַעֲנֶה בְּשִׂמְחַת לִבּֽוֹ ׃

חֶסֶד וֶאֱמֶת אַֽל ־ יַעַזְבֻךָ קָשְׁרֵם עַל ־ גַּרְגְּרוֹתֶיךָ כָּתְבֵם עַל ־ לוּחַ לִבֶּֽךָ ׃

וּמְצָא ־ חֵן וְשֵֽׂכֶל ־ טוֹב בְּעֵינֵי אֱלֹהִים וְאָדָֽם ׃ פ

גַּם כָּֽל ־ הָאָדָם אֲשֶׁר נָֽתַן ־ לוֹ הָאֱלֹהִים עֹשֶׁר וּנְכָסִים וְהִשְׁלִיטוֹ לֶאֱכֹל מִמֶּנּוּ וְלָשֵׂאת אֶת ־ חֶלְקוֹ וְלִשְׂמֹחַ בַּעֲמָלוֹ זֹה מַתַּת אֱלֹהִים הִֽיא ׃

דִּרְשׁוּ ־ טוֹב וְאַל ־ רָע לְמַעַן תִּֽחְיוּ וִיהִי ־ כֵן יְהוָה אֱלֹהֵֽי ־ צְבָאוֹת אִתְּכֶם כַּאֲשֶׁר אֲמַרְתֶּֽם ׃

פֵּרַשְׂתִּי יָדַי אֵלֶיךָ נַפְשִׁי ׀ כְּאֶֽרֶץ ־ עֲיֵפָה לְךָ סֶֽלָה ׃

וַיֹּאמֶר יְהוָה אֶל ־ מֹשֶׁה עֲלֵה אֵלַי הָהָרָה וֶהְיֵה ־ שָׁם וְאֶתְּנָה לְךָ אֶת ־ לֻחֹת הָאֶבֶן וְהַתּוֹרָה וְהַמִּצְוָה אֲשֶׁר כָּתַבְתִּי לְהוֹרֹתָֽם ׃