וְלֹא ־ תַחֲנִיפוּ אֶת ־ הָאָרֶץ אֲשֶׁר אַתֶּם בָּהּ כִּי הַדָּם הוּא יַחֲנִיף אֶת ־ הָאָרֶץ וְלָאָרֶץ לֹֽא ־ יְכֻפַּר לַדָּם אֲשֶׁר שֻׁפַּךְ ־ בָּהּ כִּי ־ אִם בְּדַם שֹׁפְכֽוֹ ׃

⁴ אַךְ ־ בָּשָׂר בְּנַפְשׁוֹ דָמוֹ לֹא תֹאכֵֽלוּ ׃

⁵ וְאַךְ אֶת ־ דִּמְכֶם לְנַפְשֹֽׁתֵיכֶם אֶדְרֹשׁ מִיַּד כָּל ־ חַיָּה אֶדְרְשֶׁנּוּ וּמִיַּד הָֽאָדָם מִיַּד אִישׁ אָחִיו אֶדְרֹשׁ אֶת ־ נֶפֶשׁ הָֽאָדָֽם ׃

⁶ שֹׁפֵךְ דַּם הָֽאָדָם בָּֽאָדָם דָּמוֹ יִשָּׁפֵךְ כִּי בְּצֶלֶם אֱלֹהִים עָשָׂה אֶת ־ הָאָדָֽם ׃

כִּי נֶפֶשׁ הַבָּשָׂר בַּדָּם הִוא וַאֲנִי נְתַתִּיו לָכֶם עַל ־ הַמִּזְבֵּחַ לְכַפֵּר עַל ־ נַפְשֹׁתֵיכֶם כִּֽי ־ הַדָּם הוּא בַּנֶּפֶשׁ יְכַפֵּֽר ׃

²¹ וַיִּקְרָא מֹשֶׁה לְכָל ־ זִקְנֵי יִשְׂרָאֵל וַיֹּאמֶר אֲלֵהֶם מִֽשְׁכוּ וּקְחוּ לָכֶם צֹאן לְמִשְׁפְּחֹתֵיכֶם וְשַׁחֲטוּ הַפָּֽסַח ׃

²² וּלְקַחְתֶּם אֲגֻדַּת אֵזוֹב וּטְבַלְתֶּם בַּדָּם אֲשֶׁר ־ בַּסַּף וְהִגַּעְתֶּם אֶל ־ הַמַּשְׁקוֹף וְאֶל ־ שְׁתֵּי הַמְּזוּזֹת מִן ־ הַדָּם אֲשֶׁר בַּסָּף וְאַתֶּם לֹא תֵצְאוּ אִישׁ מִפֶּֽתַח ־ בֵּיתוֹ עַד ־ בֹּֽקֶר ׃

²³ וְעָבַר יְהוָה לִנְגֹּף אֶת ־ מִצְרַיִם וְרָאָה אֶת ־ הַדָּם עַל ־ הַמַּשְׁקוֹף וְעַל שְׁתֵּי הַמְּזוּזֹת וּפָסַח יְהוָה עַל ־ הַפֶּתַח וְלֹא יִתֵּן הַמַּשְׁחִית לָבֹא אֶל ־ בָּתֵּיכֶם לִנְגֹּֽף ׃