יִרְאַת יְהוָה מוּסַר חָכְמָה וְלִפְנֵי כָבוֹד עֲנָוָֽה ׃

עִבְדוּ אֶת ־ יְהוָה בְּיִרְאָה וְגִילוּ בִּרְעָדָֽה ׃

יְהוָה מָלָךְ יִרְגְּזוּ עַמִּים יֹשֵׁב כְּרוּבִים תָּנוּט הָאָֽרֶץ ׃

הַאוֹתִי לֹא ־ תִירָאוּ נְאֻם ־ יְהֹוָה אִם מִפָּנַי לֹא תָחִילוּ אֲשֶׁר ־ שַׂמְתִּי חוֹל גְּבוּל לַיָּם חָק ־ עוֹלָם וְלֹא יַעַבְרֶנְהוּ וַיִּֽתְגָּעֲשׁוּ וְלֹא יוּכָלוּ וְהָמוּ גַלָּיו וְלֹא יַעַבְרֻֽנְהוּ ׃

יִרְאֵי יְהוָה בִּטְחוּ בַיהוָה עֶזְרָם וּמָגִנָּם הֽוּא ׃

הַלְלוּ יָהּ ׀ אַשְׁרֵי ־ אִישׁ יָרֵא אֶת ־ יְהוָה בְּמִצְוֺתָיו חָפֵץ מְאֹֽד ׃

אַל ־ תְּהִי חָכָם בְּעֵינֶיךָ יְרָא אֶת ־ יְהוָה וְסוּר מֵרָֽע ׃

רִפְאוּת תְּהִי לְשָׁרֶּךָ וְשִׁקּוּי לְעַצְמוֹתֶֽיךָ ׃

שֶׁקֶר הַחֵן וְהֶבֶל הַיֹּפִי אִשָּׁה יִרְאַת ־ יְהוָה הִיא תִתְהַלָּֽל ׃

יִֽירְאוּ מֵיְהוָה כָּל ־ הָאָרֶץ מִמֶּנּוּ יָגוּרוּ כָּל ־ יֹשְׁבֵי תֵבֵֽל ׃

סָמַר מִפַּחְדְּךָ בְשָׂרִי וּֽמִמִּשְׁפָּטֶיךָ יָרֵֽאתִי ׃

עֵקֶב עֲנָוָה יִרְאַת יְהוָה עֹשֶׁר וְכָבוֹד וְחַיִּֽים ׃

וּלְכֹל הַיָּד הַחֲזָקָה וּלְכֹל הַמּוֹרָא הַגָּדוֹל אֲשֶׁר עָשָׂה מֹשֶׁה לְעֵינֵי כָּל ־ יִשְׂרָאֵֽל ׃