וְשָׁמַרְתָּ אֶת ־ מִצְוֺת יְהוָה אֱלֹהֶיךָ לָלֶכֶת בִּדְרָכָיו וּלְיִרְאָה אֹתֽוֹ ׃

וַיֹּאמֶר אֶל ־ הַשֹּֽׁפְטִים רְאוּ מָֽה ־ אַתֶּם עֹשִׂים כִּי לֹא לְאָדָם תִּשְׁפְּטוּ כִּי לַיהוָה וְעִמָּכֶם בִּדְבַר מִשְׁפָּֽט ׃

וְעַתָּה יְהִי פַֽחַד ־ יְהוָה עֲלֵיכֶם שִׁמְרוּ וַעֲשׂוּ כִּֽי ־ אֵין עִם ־ יְהוָה אֱלֹהֵינוּ עַוְלָה וּמַשֹּׂא פָנִים וּמִקַּח ־ שֹֽׁחַד ׃

טוֹב ־ מְעַט בְּיִרְאַת יְהוָה מֵאוֹצָר רָב וּמְהוּמָה בֽוֹ ׃

סוֹף דָּבָר הַכֹּל נִשְׁמָע אֶת ־ הָאֱלֹהִים יְרָא וְאֶת ־ מִצְוֺתָיו שְׁמוֹר כִּי ־ זֶה כָּל ־ הָאָדָֽם ׃

רֵאשִׁית חָכְמָה ׀ יִרְאַת יְהוָה שֵׂכֶל טוֹב לְכָל ־ עֹשֵׂיהֶם תְּהִלָּתוֹ עֹמֶדֶת לָעַֽד ׃

וַיֹּאמֶר יְהוָה אֶל ־ הַשָּׂטָן הֲשַׂמְתָּ לִבְּךָ עַל ־ עַבְדִּי אִיּוֹב כִּי אֵין כָּמֹהוּ בָּאָרֶץ אִישׁ תָּם וְיָשָׁר יְרֵא אֱלֹהִים וְסָר מֵרָֽע ׃

מִי לֹא יִֽרָאֲךָ מֶלֶךְ הַגּוֹיִם כִּי לְךָ יָאָתָה כִּי בְכָל ־ חַכְמֵי הַגּוֹיִם וּבְכָל ־ מַלְכוּתָם מֵאֵין כָּמֽוֹךָ ׃

אִם ־ עֹשֶׁק רָשׁ וְגֵזֶל מִשְׁפָּט וָצֶדֶק תִּרְאֶה בַמְּדִינָה אַל ־ תִּתְמַהּ עַל ־ הַחֵפֶץ כִּי גָבֹהַּ מֵעַל גָּבֹהַ שֹׁמֵר וּגְבֹהִים עֲלֵיהֶֽם ׃

מִֽי ־ יִתֵּן וְהָיָה לְבָבָם זֶה לָהֶם לְיִרְאָה אֹתִי וְלִשְׁמֹר אֶת ־ כָּל ־ מִצְוֺתַי כָּל ־ הַיָּמִים לְמַעַן יִיטַב לָהֶם וְלִבְנֵיהֶם לְעֹלָֽם ׃