וְעַתָּה אִם ־ שָׁמוֹעַ תִּשְׁמְעוּ בְּקֹלִי וּשְׁמַרְתֶּם אֶת ־ בְּרִיתִי וִהְיִיתֶם לִי סְגֻלָּה מִכָּל ־ הָעַמִּים כִּי ־ לִי כָּל ־ הָאָֽרֶץ ׃

חֶסֶד וֶאֱמֶת אַֽל ־ יַעַזְבֻךָ קָשְׁרֵם עַל ־ גַּרְגְּרוֹתֶיךָ כָּתְבֵם עַל ־ לוּחַ לִבֶּֽךָ ׃

וּמְצָא ־ חֵן וְשֵֽׂכֶל ־ טוֹב בְּעֵינֵי אֱלֹהִים וְאָדָֽם ׃ פ

כֶּסֶף נִבְחָר לְשׁוֹן צַדִּיק לֵב רְשָׁעִים כִּמְעָֽט ׃

מֵאֲשֶׁר יָקַרְתָּ בְעֵינַי נִכְבַּדְתָּ וַאֲנִי אֲהַבְתִּיךָ וְאֶתֵּן אָדָם תַּחְתֶּיךָ וּלְאֻמִּים תַּחַת נַפְשֶֽׁךָ ׃

קוּמִי אוֹרִי כִּי בָא אוֹרֵךְ וּכְבוֹד יְהוָה עָלַיִךְ זָרָֽח ׃

אֵֽשֶׁת ־ חַיִל מִי יִמְצָא וְרָחֹק מִפְּנִינִים מִכְרָֽהּ ׃