Vaso

אַל ־ תִּקְצֹף יְהוָה עַד ־ מְאֹד וְאַל ־ לָעַד תִּזְכֹּר עָוֺן הֵן הַבֶּט ־ נָא עַמְּךָ כֻלָּֽנוּ ׃

Isaías 64:8

הוֹי רָב אֶת ־ יֹצְרוֹ חֶרֶשׂ אֶת ־ חַרְשֵׂי אֲדָמָה הֲיֹאמַר חֹמֶר לְיֹֽצְרוֹ מַֽה ־ תַּעֲשֶׂה וּפָעָלְךָ אֵין ־ יָדַיִם לֽוֹ ׃ ס

Isaías 45:9

הֵילִילוּ הָרֹעִים וְזַעֲקוּ וְהִֽתְפַּלְּשׁוּ אַדִּירֵי הַצֹּאן כִּֽי ־ מָלְאוּ יְמֵיכֶם לִטְבוֹחַ וּתְפוֹצוֹתִיכֶם וּנְפַלְתֶּם כִּכְלִי חֶמְדָּֽה ׃

Jeremias 25:34

כֶּסֶף סִיגִים מְצֻפֶּה עַל ־ חָרֶשׂ שְׂפָתַיִם דֹּלְקִים וְלֶב ־ רָֽע ׃

Provérbios 26:23

יָדֶיךָ עִצְּבוּנִי וַֽיַּעֲשׂוּנִי יַחַד סָבִיב וַֽתְּבַלְּעֵֽנִי ׃

זְכָר ־ נָא כִּי ־ כַחֹמֶר עֲשִׂיתָנִי וְֽאֶל ־ עָפָר תְּשִׁיבֵֽנִי ׃

Jó 10:8,9

הַפְכְּכֶם אִם ־ כְּחֹמֶר הַיֹּצֵר יֵֽחָשֵׁב כִּֽי ־ יֹאמַר מַעֲשֶׂה לְעֹשֵׂהוּ לֹא עָשָׂנִי וְיֵצֶר אָמַר לְיוֹצְרוֹ לֹא הֵבִֽין ׃

Isaías 29:16

1 הַדָּבָר אֲשֶׁר הָיָה אֶֽל ־ יִרְמְיָהוּ מֵאֵת יְהוָה לֵאמֹֽר ׃

2 קוּם וְיָרַדְתָּ בֵּית הַיּוֹצֵר וְשָׁמָּה אַשְׁמִֽיעֲךָ אֶת ־ דְּבָרָֽי ׃

3 וָאֵרֵד בֵּית הַיּוֹצֵר והנהו עֹשֶׂה מְלָאכָה עַל ־ הָאָבְנָֽיִם ׃

4 וְנִשְׁחַת הַכְּלִי אֲשֶׁר הוּא עֹשֶׂה בַּחֹמֶר בְּיַד הַיּוֹצֵר וְשָׁב וַֽיַּעֲשֵׂהוּ כְּלִי אַחֵר כַּאֲשֶׁר יָשַׁר בְּעֵינֵי הַיּוֹצֵר לַעֲשֽׂוֹת ׃ פ

5 וַיְהִי דְבַר ־ יְהוָה אֵלַי לֵאמֽוֹר ׃

6 הֲכַיּוֹצֵר הַזֶּה לֹא ־ אוּכַל לַעֲשׂוֹת לָכֶם בֵּית יִשְׂרָאֵל נְאֻם ־ יְהוָה הִנֵּה כַחֹמֶר בְּיַד הַיּוֹצֵר כֵּן ־ אַתֶּם בְּיָדִי בֵּית יִשְׂרָאֵֽל ׃ ס

Jeremias 18:1-6

בְּנֵי צִיּוֹן הַיְקָרִים הַמְסֻלָּאִים בַּפָּז אֵיכָה נֶחְשְׁבוּ לְנִבְלֵי ־ חֶרֶשׂ מַעֲשֵׂה יְדֵי יוֹצֵֽר ׃ ס

Lamentações 4:2