39 அங்கே தொங்கிக் கொண்டிருந்த குற்றவாளிகளில் ஒருவன், "நீர் கிறிஸ்து அல்லவா? உன்னையும், எங்களையும் விடுவியும்" என்று அவரை இகழ்ந்தான்.
40 ஆனால் மற்ற குற்றவாளியோ, அவனைக் கண்டித்து, "நீ இறைவனுக்குப் பயப்படுவதில்லையா? நீயும் இதே தண்டனைக்கு உட்பட்டிருக்கிறாயே. 41 நாம் நியாயப்படி தண்டனை பெற்றிருக்கிறோம். நமது செயல்களுக்கேற்றதையே பெற்றிருக்கிறோம். இவரோ, எந்த தவறும் செய்யவில்லை" என்றான்.
42 பின்பு அவன் இயேசுவிடம், "இயேசுவே, உமது அரசில் நீர் வரும்போது, என்னையும் நினைவில் வைத்துக்கொள்ளும்" என்றான்.
43 அதற்கு இயேசு, "நான் உனக்கு உண்மையைச் சொல்கிறேன், இன்றைக்கே நீ என்னுடன்கூட சொர்க்கத்தில் இருப்பாய்" என்றார்.