மத்தேயு 16

பேதுருவின் அறிக்கை

13 இயேசு செசரியா பிலிப்பு பகுதிக்கு வந்தபோது, அவர் தமது சீடர்களிடம், "மக்கள் மானிடமகனாகிய என்னை யார் என்று சொல்கிறார்கள்?" என்று கேட்டார்.

14 அதற்கு அவர்கள், "சிலர் உம்மை யோவான் ஸ்நானகன் என்றும், வேறுசிலர் எலியா என்றும், இன்னும் சிலர் எரேமியா, அல்லது இறைவாக்கினர்களில் ஒருவர் என்கிறார்கள்" என்று பதிலளித்தார்கள்.

15 அப்பொழுது இயேசு, "நீங்கள் என்னை யாரென்று சொல்கிறீர்கள்?" என்று கேட்டார்.

16 அதற்கு சீமோன் பேதுரு, "நீர் கிறிஸ்து, வாழும் இறைவனின் மகன்" என்றான்.