நீதிமொழி 1

1 இஸ்ரயேலின் அரசனும் தாவீதின் மகனுமான சாலொமோனின் நீதிமொழிகள்:

2 இவைகளால் ஞானத்தையும் அறிவுரையையும் கற்றுக்கொள்ளலாம்;

நுண்ணறிவுள்ள வார்த்தைகளையும் விளங்கிக்கொள்ளலாம்.

3 இவைகளால் நேர்மை, நீதி, நியாயம் ஆகியவற்றைச் செய்ய,

அறிவுரையும் விவேகமும் உள்ள வாழ்க்கையை வாழ உதவுகிறது.

4 இவைகள் அறிவற்றவர்களுக்கு விவேகத்தையும்,

வாலிபர்களுக்கு அறிவையும் அறிவுடைமையையும் கொடுக்கின்றன.

5 ஞானமுள்ளவர்கள் இவைகளைக் கேட்டு, தங்கள் அறிவைக் கூட்டிக்கொள்ளட்டும்;

பகுத்தறிவு உள்ளவர்கள், இவைகளினால் வழிநடத்துதலைப் பெறட்டும்.

6 இவைகளினால் நீதிமொழிகளையும், உவமைகளையும்,

ஞானிகளின் வார்த்தைகளையும், புதிர்களையும் விளங்கிக்கொள்ளட்டும்.