Provérbios 5

3 ஏனெனில் விபசாரியின் உதடுகள் தேனைச் சிந்தும்,

அவளுடைய பேச்சு எண்ணெயைவிட மிருதுவாயிருக்கும்;

4 ஆனால் முடிவோ, அவள் வேம்பைப்போல் கசப்பாயும்,

இருபக்கமும் கூர்மையுள்ள வாளைப்போலவும் இருப்பாள்.

5 அவளுடைய பாதங்கள் மரணத்திற்குச் செல்கின்றன;

அவள் காலடிகளோ நேரே பாதாளத்திற்கு வழிநடத்துகின்றன.

6 அவளோ வாழ்வின் வழியைப் பற்றிச் சிந்திப்பதேயில்லை,

அவளுடைய பாதைகள் கோணலானவை, அவள் அதை அறியாதிருக்கிறாள்.

7 ஆகவே என் பிள்ளைகளே, எனக்குச் செவிகொடுங்கள்;

நான் சொல்வதைவிட்டு விலகவேண்டாம்.

8 அவளுக்குத் தூரமான வழியில் நடங்கள்,

அவளுடைய வீட்டின் வாசலையும் மிதிக்கவேண்டாம்.

9 இல்லையென்றால், உங்களுடைய கனத்தை மற்றவர்களிடமும்

உங்களுடைய வாழ்நாட்களை கொடூரர்களிடமும் இழந்துவிடுவீர்கள்;