Provérbios 5

8 அவளுக்குத் தூரமான வழியில் நடங்கள்,

அவளுடைய வீட்டின் வாசலையும் மிதிக்கவேண்டாம்.

9 இல்லையென்றால், உங்களுடைய கனத்தை மற்றவர்களிடமும்

உங்களுடைய வாழ்நாட்களை கொடூரர்களிடமும் இழந்துவிடுவீர்கள்;

10 வேறுநாட்டைச் சேர்ந்தவர் உங்கள் செல்வத்தை அனுபவிப்பார்கள்,

உங்களுடைய கடும் உழைப்பு இன்னொருவனின் வீட்டைச் செல்வச் சிறப்பாக்கும்.

11 உங்களுடைய வாழ்க்கையின் முடிவில்,

உங்கள் தசையும் உடலும் நலியும்போது வேதனையால் புலம்புவீர்கள்.

12 அப்பொழுது நீங்கள், "ஐயோ, நான் அறிவுரையை வெறுத்தேனே,

திருத்தத்தை எனது இருதயம் அலட்சியம் செய்ததே!

13 நான் எனக்கு போதித்தவர்களுக்குக் கீழ்ப்படியவில்லையே,

எனக்கு அறிவுரை சொன்னவர்களுக்கு செவிகொடுக்கவில்லையே.

14 நான் இறைவனின் மக்கள் கூட்டத்தில்

தீராத பிரச்சனைக்குள்ளாகி விட்டேனே" என்று சொல்வீர்கள்.