1 Pedro 4

Ukhalha wo unkhulhuvelha Nlhuku

1 Paahi ukhalhawaya Kuristo aatwaruwilhe mwiiruttuni, paahi ni inyu vano etu mwiilhipiheke wo nrima thoko yoyo ukhalhawaya ntu twaruwilhe mwiiruttuni hohiya uwonya. 2 Toka vano etu, nhikhalhe nnikakatani mwo uhilhoka nansho mu uttunani mwa Nlhuku ikatema yuhalhenlheni mwiilhaponi mu. 3 Ukhalhawaya khalhayi mwahopanga chittu chinopangiya ni attu ahinchuwenlhe Nlhuku, vaattwara inyu ulhavalhava, nikakata no uhilhoka no mwiiruttuni, uwuria utheka ni uhapalhiya pufia, umenyekha, ni ulhapelha isinyago. 4 Vano attu ahinchuwenlhe Nlhuku ayo anooshanga vanowoonayani mwaatti nhaattukanaka mwommo nnovira aya ncharilhe chittu cho unanara chinene mmo. Vavawo phi nouruwanayani.

5 Nansho anowa wiivaraanga yoyo mwaha uyo wa Nlhuku, khanlhe tayari waahukumulha attu akumi ni attu akhwilhe.