Atos 16

Napaolo ni Nasila anoohelhiya ujeerani Ufilipi

16 Nihuku nimoka vaari ihu nirwaaka vakittu vo unlhapelha Nlhuku, nahonkhumaana mwalhi mmoka namitheko aari ni nshoka no unanara nammaha wooria umoopa nttiti. Yoyo nttiti uyo waari waapattelhaka apwiiya awe nchurukhu mwinchi. 17 Yoyo mwalhi uyo ahaattwara Napaolo anyakhulhaka eeraka, "Alha attu alha phi akarumiya a Nlhuku Mulhupalhe! Anowiittuchihani chinohalha inyu woopolhiya!" 18 Nkaaninyakulha chiicho mahuku menchi, mpaka Napaolo nkayaarushiya, nkayanrukunuwelha nkayaachachera nshoka nne, "Kinoulheherani wo nchina na Yesu Kuristo munthame ulha mwalhi ulha!" Yeyo ikatema nshoka nkanaanthama.