Nlhuku nowa wettuwiha attu awe
7 Paahi etu, thoko Iphumu ya Nlhuku chinohimia aya mu Malhove Matakatifu,
"Mweewakaru nlhove na Nlhuku lhelho,
8 Nhilhipihe mirima chinyu thoko cheera aya manyaapwiiya inyu,
Vaakhonte aya umwiiwelhelha Nlhuku,
Nihuku nanlhikanche aya Nlhuku, vaari aya uthakoni nne.
12 Paahi etu ashilhoko aka, mwiishungeke rata, hiwe aakhalha mmoka inyu o nrima wo uhilhoka wo uvaanyiha, nkaarukunuwa nkanhiya Nlhuku nkumi. 13 Nansho vanothepa inyu wiiwa nna nlhove nna, "Lhelho," nishomiyaka nhina Malhove Matakatifu, mwaamukaneke kila nihuku. Hikhalhe ntu riyoothe munlhokoni mwinyu o uvaanyiha wo nlhatu no uthepiachiya nkaawulhuwa mu uwonyani.
15 Muupuwelheke Malhove Matakatifu vaneera aya,
"Mweewakaru nlhove na Nlhuku lhelho,
Nhilhipihe mirima chinyu thoko chenre aya manyaapwiiya inyu vaakhonte aya umwiiwelhelha Nlhuku."