Kupomulela kwa bhandu bhaka Chapanga
7 Bhela ngati moapwaghi Roho Mhuhu:
"Lalenu ngati ananjowini sauti jaka Chapanga,
8 ngamwitenda kunonopa mitima jinu,
ngati akahokolu bhinu mobhakakani kuntii Chapanga,
mu lichobha lela la kulengakeka kulipololu kola.
12 Bhalongu bhangu, mlilingalyaje pachilanda jinu ngaikubha mundu jokapi joabhi na mtima uhakau wangakuhobhalela, ghoulitenga na Chapanga joabhi mwome. 13 Bhela kwa kubha lilobhi, "Lalenu" lelilongaleka mu Malembu likali litulongale tepani, impalika kujangatana chikahi chokapi, nahuli mundu jokapi pachilanda jinu ngaikoluweka na mahoku na kubha na ing’omu.
15 Malembu Mahuhu ghapwagha:
"Lalenu ngati ananjowini sauti jaka Chapanga,
ngamujitenda mitima jinu kunonopa,
ngati akahokolu bhinu mobhakani kuntii Chapanga."