Lucas 8

Yesu atumbalisha mbelu

22 Lichobha limu Yesu akajingi mu ngalawa papamu na bhabhulwa bhaki, na akabhapwaghile, "Tumboka tulombuka mbaka kwihi ja nhwanga." Panihapa bhakatumbwi mwanja. 23 Pabhakabhi bhalomboka kwa ngalawa, Yesu akaghochi lughono. Palapala mbelu ukolongwa ukatumbwi kupogha mu nhwanga, na machi ghakatumbwi kutwelela mu ngalawa, bhokapi bhakabhi pambipi kujibhila. 24 Bhabhulwa bhakunjendi Yesu na kunjumuwa, bhakapwaghaje, "Bambo, Bambo! Tupotela!"

Yesu akajumwiki na kuulakalila mpongu na majegha makolongwa, na kukatondiki na kubha wichu. 25 Panihapa Yesu akabhalaluki bhabhulwa bhaki, "Bho, uhobhalelu winu ubhi kwako?"

Nambu bhombi bhakakangichi, na kujoghopa koni bhakapwaghanya, "Bho, hajo mundu bhole? Aulakali mpongu na majegha nayombi yuntii!"

Yesu andamiha mundu joabhi na majobhi

26 Yesu na bhabhulwa bhaki bhakajendali na mwanja mbaka ku inchi ja Bhagelasi, jejibhi kwihi ja nhwanga Galilaya.