Mateus 17

Yesu andamiha nkombu joakabbhi na lijobhi

14 Pabhakaliheghalili kabheti lipogha la bhandu lela, mundu jumu akunjendi Yesu, na kunchikamila palongi jaki, 15 akapwaghaje, "Bambo, umbonila chiha mwana wangu kwa ndandi abhi na chitamu cha kuhinduka, kabheti ang’ahika namaa, mala pamaheli ahabhuka pamotu na mumachi. 16 Nakundetiki kwa bhabhulwa bhaku, nambu ngachebhakaweziki kundamiha."

17 Yesu akabhapwaghi bhabhulwa bhaki, "Mwenga chibheleku changakubha na uhobhalelu, na chechihobhike! Bho, anandama na mwehapa mbaka lile? Undeta pambane nkombu hoju." 18 Yesu akalilakali lijobhi lela, na lombi lakumpitiki, na kutumbu chikahi chelachela nkombu jola akalamike.