Matayo 24

Mtumika ndongwana au jwangakubha ndongwana

45 Yesu akajendali kupwagha, "Bho, nde nane mtumika ndongwana na mweni malangu, jola ambaju bambo waki anaambeka kubhajemalela bhandu bhaki, abhapekya chilebhi kwa chikahi chake? 46 Apengaliki mtumika jola, ambaju bambo waki paanahikaje anaanketanya akatenda bhenibhela. 47 Numpwaghi chakaka, anaambeka mtumika hoju ajemalya hindu yaki yokapi. 48 Nambu ngati mtumika muhakau anaalipwaghi muntima jaki, ‘Bambo wangu akabhakili kukelabhuka,’ 49 kabheti na kutumbula kubhalapu bhatumika bhajake, akatumbula kula na kunywa papamu na bhabhalobhe uwembi, 50 bambo waki anahika lichobha langa kuliholalela, na lisaa langa kulimanya. 51 Panihapa nde anaantemula nakanopi mundu hoju, na kumbeka papamu na lipogha la akandumila kubheli, konihoku nde kwibya kulela na kuyagha mino.