Mateus 9

Yesu abhalamiha akangalola bhabheli

27 Yesu paakabhokiki pandu panipala, na paakabhi ajenda, akangalola bhabheli bhakanjengalili koni bhakajamalyaje, bhakapwaghaje, "Mwana waka Daude, utubhonila chiha!"

28 Yesu paakajingi munyumba, bhandu bhabheli bhakanjengalile, najombi akabhalalukile, "Bho, muhobhalela kubha nhweza kundamiha?"

Na bhombi bhakamuyangiki, "Ena, Bambo."

29 Panihapa Yesu akapapihi mihu ghabhu, akapwagha, "Na ibya kwinu ngati momuhobhalile." 30 Palapala mihu ghabhu ghakabhopuliwi. Na jombi Yesu akabhalakalili kwa makili, akapwagha, "Ngamwampwaghi mundu jokapi lijambu lenu."

31 Nambu bhombi bhakabhokiki, na kutangaza malobhi ghaka Yesu mu inchi jenijela jokapi.