João 19

23 Akakomana ngondo pubhajhomolila kummamba Yecho panane jha panchalaba, bhajhakutola ngobho yake na bhajhakuhibhaghana malundiko ncheche, kila lipungo kwa akakomana ngondo jhumo. Helahela bhajhakutola ade likanjo lyake na lyenio lyangachonwa, jhikalokwite kuhumii kunane ade pahe. 24 Akakomana ngondo bhajhakulongolelana, "Tukotoka kujhepula likanjo lende, nambo tuhenge kahumbuhumbu nnobhole tumanye nalibhaha lyaghane." Itendika naha kupala ghatimile Majhandiko gha Chapanga ghighalongila,

"Bhakabhaghine ngobho yango,

nambo likanjo lyango bhajhakulitendela kahumbuumbu nnobhole."

Naha ndi chibhakatenda bheniya akakomana ngondo.

25 Pahina jha pa nchalaba gwa Yecho bhakajhemite akamajhe mundo, majhe mundo Yecho na Maliya nhwana mundo Kiliopa na Maliya jwahumila ku kilambo cha ku Magidala. 26 Yecho pammonita majhe mundo na mmolwa gwake jhola jwapalita hake, ajhakunnobholela majhe mundo, "Majhe, jwenio ngoheno ndi mwana gwino."

27 Peniya ajhakunnobholela mmolwa jhola, "Ngoheno, jwenio ndi majhe gwino." Kuhumi peniya, mmolwa jwenio ajhakunghegha Maliya, ajhakutama nako kajhake.