59 Lichiko lya nane bhakahikite kunyingii jando mwana, na bhapata kuntina liina lya Zakaliya, liina lya tate mundo. 60 Nambo majhe mundo ajhakulonge, "Mbahi ndeka! Jweniojho mukema Yohane."
61 Bhene bhajhakunongolela, "Mulukolo lwake, abhii jhe mundo jwakemwa liina ngita lyenio!" 62 Bhahe, bhajhakukonya tate mundo kwa kulaha mabhoko, bhamanye apala kuntina liina ghane.
63 Zakaliya ajhakujhopa lijhola lya kujhandikila, ajhakujhandika, "Jhonjone liina lyake Yohane." Bhando bhoha bhajhakuhechuka! 64 Papalapala Zakaliya ajhakutumbuu kulonge kabhele, ajhakutumbuu kunomba Chapanga.
/images/a/6c03efee-c76a-4ab8-fe2e-555683f90900)
/images/a/9ec55bb8-7dc5-47b9-c32a-98aea1c00300)