Lucas 19

Yecho ijhingii ku Yeluchalemo kwa ilulo ikolongwa

28 Yecho pajhomolila kulonge gheniya, akalongolile kujhenda ku Yeluchalemo. 29 Pabhandikila kuhika ku Betifage na ku Betaniya, pahina jha Kitombe chuku Micheitune, akabhatumite bhabholwa bhake bhabhele, 30 ajhakwalobholela "Nnyende muchenda imuibhona. Na pumupala kujhingii muchenda jhene, namumona litohe lya liponda bhalikongile, lyamela anatumbujhe kutami mundo. Na mulibhopole na uhike nako pamba. 31 Anda mundo ankonyite, nhwalo gwa nike mulibhopo litohe lya liponda, munnobholele, ‘Alipala Bhambo.’ "

32 Bhahe, bhajhakujhenda, na kulikolela litohe lya liponda ngita Yecho chakabhalobhalile. 33 Pubhalibhopwila litohe lya liponda, jwenio nkolo liponda ajhakwakonya, "Nhwalo gwa nike mulibhopo liponda lyango?"

34 Bhene ngabhajhangwila, "Alipala Bhambo." 35 Bhahe, ndi bhakampelekile Yecho litole lyenio, bhakatoi ngobho nu kujhala mbone panane jha liponda na Yecho nganhobhokla nu kutama panane jhake. 36 Yecho pajhendilila na mwanja gwake, bhando bhajhendilila kujhala ngobho yabhe mundela.

37 Pabhandikii kuhika ku Yeluchalemo, paluhelelo lwa kitombe chuku Micheitune, lilongo lyoha lya bhando na bhabholwa bhake bhajhakutumbuu kululuta na kunnomba Chapanga kwa lilobhe likolongwa nhwalo gwa ilebhe ikolongwa yoha ibhahihwene. 38 Bhalongila, "Jhuna mota Munahota nkolongwa jwahika kwa liina lya Bhambo! Uteeke ubhaha kunane kwa Chapanga na ung’alicho kunane kwa Chapanga!"

39 Mapwalichayo bhange bhibhakibha mulilongo lela lya bhando bhakannobholile Yecho, "Mmola, malobholele bhabholwa bhino bhatame nuu!"

40 Yecho pajhangwila, "Ninnobholela, anda bhamba bhatamiti nuu, chakaka maghanga naghatondobheya lilobhe."