Lucas 9

12 Lyobha pulitumbwila kutipika, akatenga bhala kome na bhabhele bhajhakunnobholela Yecho, "Mwulitabhuke lilongo lya bhando leno bhajhende mu chenda ya pahina bhakapalahe yakulyegha na pakugholoka nhwalo putubhii pano tubhii panjenga."

13 Nambo Yecho ajhakwalobholela, "Mangota mapelengane ilebhe yakulyegha bheniya."

Bhene ngabhajhangwila, "Tukwete mabumunda nhwano tugha na homba ibhele. Anda naha tujhende tukahemele ilebhe yakukwela kulyegha lilongo lyoha leno." 14 Bhahe, bhakibha akanalome elufo nhwano.

Yecho ajhakwalobholela bhabholwa bhake, "Bhatame muibhogha ya bhando makome nhwano."

15 Bhabholwa bhala bhajhakutenda ngita chibhalaghalikiye, bhajhakwalobholela bhando bhoha bhatame pahe. 16 Peniya Yecho ajhakutola mabumunda nhwano ghala na homba ibhele. Ajhakulola kunane kwa Chapanga ajhakunchenguu Chapanga, ajhakumetulana na kwapekeya bhabholwa bhake bhapekehe bhando bhala. 17 Bhando bhoha bhakalile na kujhukuta. Na bhabholwa bhakujhola mahighiliko gha chakulya yoha, ijhakutwelela ichukilo kome na ibhele.