Marcos 10

Yecho anamicha jwangalola jwankemitwa Batulumayo

46 Bhahe, bhakahikite ku Yeliko, na jwenio Yecho na bhabholwa bhake na lilongo lya bhando libhokita kumuche, mundo jhumo jwangalola jwankemitwa Batulomayo mwana gwa Timayo, atamita mupele mwa ndela kujhopajhopa. 47 Pajhohina Yecho jwa ku Nachalete atehila kupeta peniya, ajhakutumbuu kunonoha lilobhe, "Yecho! Mwana gwa Daude, umonele kiya!"

48 Bhando bhamahele bhajhakumpwatalila na kunnobholela akotoke, jwenio ajhakuchocha kunonoha lilobhe, "Mwana gwa Daude, umonele kiya!"

49 Yecho ajhakujhema, kulonge, "Munobholele ahike."

Bhahe, bhajhakunkema jwangalola, bhajhakunobholela, "Nkangamale mwojho! Jhema, ankema."

50 Na jwenio ajhakutaghii kutale ngobho yake, ajhakuhomba, ajhakunnyendela Yecho.

51 Yecho ajhakunkonya, "Mipala nintendele nike?" Jwangalola ajhakunnobholela, "Mmola, nijhopa kulola."

52 Yecho ajhakunobholela, "Nnyende, kihobholelo chino kinamiche." Papalapala jwangalola ajhakulola na kunkengama Yecho.