Mateus 20

Yecho abhalamicha bhangalola bhabhele

29 Yecho na bhabholwa bhake pubhabhokita ku Yeliko, lilongo lya bhando lijhakwakengama. 30 Bhahe, pakibha na bhando bhabhele bhangalola bhatamita muupele jha ndela. Pubhajhohina Yecho atenda kupeta bhajhakunonoha malobhe, "Bhambo, Mwana gwa Daude umonele kiya!"

31 Lilongo lya bhando lela lijhakwapwatalila, bhalongolila bhatame nuu. Nambo bhene bhajhakuchocha kulalama, bhalongila, "Bhambo, Mwana gwa Daude, mutubhone kiya!"

32 Yecho ajhakujhema na ajhakwakema na kwakonya, "Bho, mipala nintendele nike mangota?"

33 Na bhene bhajhakunyanguu, "Bhambo, tujhopa tulole!"

34 Bhahe, Yecho ajhakwabhonela kiya, ajhakupapaha miho ghabhe. Papa bhajhakulola, na kunkengama.