Mateus 8

Yecho abhalamicha bhando bhabhele bhina michuka

28 Yecho akahikite ku kilambo cha bha Gelache kwiye jha lilabha, na kwono bhando bhabhele bhubhakibha na michuka bhakakonganiki nako bhahumila ku mambe. Bhando bheniya bhakibha bha kujhoghoha hake, abhii jhe mundo jwahotwila kupete ndela jhene. 29 Na bhene bhakatumbwii kulalama, "Mipala nike kwa nenga mwenga Mwana gwa Chapanga? Bho, uhikite kutung’aha kongo lichiko linahika jhe?"

30 Pahina na peniya pakibha na lilongo likolongwa lya magholobhe ghighaluchitwa. 31 Peniya michuka ikampembelikihe Yecho, "Anda mipala kutubhoha, bhahe, mutulekekehe tughajhingii magholobhe ghala."

32 Yecho akabhalobhalile, "Chakaka, nnyendengane." Peniya bhajhakubhoka kwa bhando bheniya, na kughajhingii magholobhe. Lilongo lyoha lya magholobhe lijhakutilila muluhelelo na kutumbukila mulilabha na kuhobholela mwenio.

33 Bhalucha magholobhe bhajhakutila na kujhenda kubomane. Kwalobholela bhando malobhe ghoha na mambu ghighapitile bhando bhala bhubhakibha na michuka. 34 Bhahe, bhando bhoha bha muche ghola bhajhakubhoka, bhakanyendilii Yecho, na kumpembelekeya, abhoke mu kilambo chabhe.