22 ఇప్పుడు సత్యానికి విధేయులై మిమ్మల్ని మీరు శుద్ధిపరచుకుంటున్నారు. తద్వారా తోటి విశ్వాసులపై నిజమైన ప్రేమ కలిగి ఉండి, ఒకరినొకరు హృదయపూర్వకంగా* అధికంగా ప్రేమించుకోండి. 23 ఎలాగంటే సజీవమైన, శాశ్వతమైన దేవుని వాక్యం ద్వారా మీరు క్షయబీజం నుండి కాక అక్షయబీజం నుండి తిరిగి జన్మించారు. 24 ఎందుకనగా,

"ప్రజలందరు గడ్డి వంటివారు,

వారి వైభవం అంతా పొలంలోని పువ్వు వంటిది;

గడ్డి వాడిపోతుంది, పువ్వులు రాలిపోతాయి,

25 కాని దేవుని వాక్యం నిత్యం నిలిచి ఉంటుంది."*

ఈ వాక్యమే మీకు ప్రకటించబడింది.