2 అతడు గొప్ప స్వరంతో ఇలా అన్నాడు,
"బబులోను మహా పట్టణం కూలిపోయింది! కూలిపోయింది!18:2 యెషయా 21:9
అది దయ్యాలు సంచరించే స్థలంగా,
ప్రతి దుష్ట ఆత్మలు సంచరించే స్థలంగా,
ప్రతి అపవిత్ర పక్షి సంచరించే స్థలంగా,
ప్రతి మలినమైన అసహ్యమైన క్రూరమృగాలు సంచరించే స్థలంగా మారింది.
3 ఎందుకంటే ఆమె వ్యభిచార మద్యాన్ని త్రాగి
దేశాలన్నీ మత్తులయ్యాయి.
భూలోక రాజులు ఆమెతో వ్యభిచరించారు.
భూలోక వర్తకులు ఆమె ఇచ్చే అధిక విలాసాలతో ధనికులయ్యారు."
బబులోను తీర్పును తప్పించుకోవడానికి హెచ్చరిక
4 అప్పుడు పరలోకంలో నుండి మరొక స్వరం వినిపించింది:
" ‘నా ప్రజలారా! మీరు ఆమె పాపాల్లో భాగం పంచుకోకుండా’18:4 యిర్మీయా 51:45
ఆమెకు సంభవించే ఏ కీడు మీ మీదికి రాకుండా,
ఆమెలో నుండి బయటకు రండి;