క్రీస్తు ద్వారా యూదులు, యూదేతరులు సమాధానపరచబడుట
11 కాబట్టి, పుట్టుకతోనే యూదేతరులైన మీరు, తమను తాము "సున్నతి" అంటే మానవ హస్తాలతో శరీరంలో చేయబడేది అని పిలుచుకునే వారి చేత "సున్నతి చేయబడనివారు" అని గతంలో ఎలా పిలువబడ్డారో జ్ఞాపకం చేసుకోండి. 12 ఆ సమయంలో మీరు క్రీస్తు నుండి వేరుగా ఉన్నారు, ఇశ్రాయేలులో పౌరసత్వం లేనివారిగా, వాగ్దాన నిబంధనలకు విదేశీయులుగా, నిరీక్షణ లేనివారిగా, లోకంలో దేవుడు లేనివారిగా ఉండేవారు. 13 ఒకప్పుడు దూరంగా ఉన్న మీరు ఇప్పుడు క్రీస్తు యేసు రక్తాన్ని బట్టి దేవునికి దగ్గరయ్యారు.