అబ్రాముకు పిలుపు
1 యెహోవా అబ్రాముతో ఇలా అన్నారు, "నీ దేశాన్ని, నీ ప్రజలను, నీ తండ్రి కుటుంబాన్ని విడిచి బయలుదేరి, నేను నీకు చూపించబోయే దేశానికి వెళ్లు.
2 "నేను నిన్ను గొప్ప జనంగా చేస్తాను,
నిన్ను ఆశీర్వదిస్తాను;
నీ పేరును గొప్పగా చేస్తాను,
నీవు దీవెనగా ఉంటావు.
3 నిన్ను దీవించే వారిని దీవిస్తాను,
శపించే వారిని శపిస్తాను;
నిన్ను బట్టి భూమి మీద ఉన్న
సర్వ జనాంగాలు దీవించబడతారు."12:3 లేదా భూమి దీవించడానికి నీ పేరును వాడుకుంటారు (48:20 చూడండి)
4 యెహోవా చెప్పినట్టే అబ్రాము బయలుదేరాడు; లోతు అతనితో వెళ్లాడు. హారాను నుండి ప్రయాణమైనప్పుడు అబ్రాము వయస్సు డెబ్బై అయిదు సంవత్సరాలు.