లూకా సువార్త 10

మంచి సమరయుని ఉపమానం

25 ఒక రోజు ఒక ధర్మశాస్త్ర నిపుణుడు లేచి యేసును పరీక్షిస్తూ, "బోధకుడా, నిత్యజీవం పొందుకోవాలంటే నేనేమి చేయాలి?" అని అడిగాడు.

26 అందుకు యేసు, "ధర్మశాస్త్రంలో ఏమి వ్రాసి ఉంది? దాన్ని నీవు ఎలా చదువుతావు?" అని అడిగారు.

27 అందుకు అతడు, " ‘మీ పూర్ణహృదయంతో, మీ పూర్ణాత్మతో, మీ పూర్ణబలంతో, మీ పూర్ణమనస్సుతో మీ ప్రభువైన దేవుని ప్రేమించాలి’*10:27 ద్వితీ 6:5 ‘మీకులా మీ పొరుగువారిని ప్రేమించాలి’*10:27 లేవీ 19:18 " అని చెప్పాడు.

28 దానికి యేసు, "నీవు సరిగ్గా చెప్పావు, ఇది చేస్తే నీవు జీవిస్తావు" అని జవాబిచ్చారు.