Marcos 8

బేత్సయిదా దగ్గర గ్రుడ్డివానికి చూపునిచ్చిన యేసు

22 వారు బేత్సయిదాకు వచ్చినప్పుడు, కొందరు ఒక గ్రుడ్డివానిని తీసుకువచ్చి వానిని ముట్టుమని ఆయనను బ్రతిమాలారు. 23 ఆయన ఆ గ్రుడ్డివాని చేయి పట్టుకుని ఊరి బయటకు తీసుకెళ్లి, వాని కళ్ల మీద ఉమ్మివేసి, వాని మీద చేతులుంచి, "నీకు ఏమైనా కనబడుతుందా?" అని అడిగారు.

24 అందుకు వాడు తల పైకెత్తి చూస్తూ, "మనుష్యులు కనపడుతున్నారు, వారు చెట్లలా నడుస్తున్నారు" అని చెప్పాడు.

25 యేసు మళ్ళీ తన చేతులు వాని కళ్ల మీద ఉంచారు. అప్పుడు వాని కళ్లు తెరువబడ్డాయి, వాడు చూపు పొందుకొని, అన్నిటిని స్పష్టంగా చూడగలిగాడు. 26 యేసు వానితో, "నీవు ఊరిలోనికి వెళ్లకుండా ఇంటికి వెళ్లు" అని చెప్పి వానిని పంపివేశారు.