Mateus 21

యేసు అంజూర చెట్టును శపించుట

18 తెల్లవారిన తర్వాత యేసు యెరూషలేము పట్టణానికి తిరిగి వెళ్తున్నప్పుడు ఆయనకు ఆకలివేసింది. 19 అప్పుడు ఆ దారి ప్రక్కన ఉన్న ఒక అంజూర చెట్టును చూసి, దాని దగ్గరకు వెళ్లారు కాని దానికి ఆకులు తప్ప మరేమీ కనిపించలేదు, కాబట్టి, "ఇకమీదట ఎన్నడు నీకు కాయలు కాయవు" అని దానితో చెప్పగా వెంటనే ఆ చెట్టు ఎండిపోయింది.

20 శిష్యులు అది చూసి, ఆశ్చర్యపడ్డారు. "ఆ అంజూర చెట్టు అంత త్వరగా ఎలా ఎండిపోయింది?" అని అడిగారు.

21 అందుకు యేసు, "మీరు విశ్వాసం కలిగి అనుమానించకపోతే, ఈ అంజూర చెట్టుకు జరిగిందే కాదు, ఈ కొండతో, ‘వెళ్లు, సముద్రంలో పడు’ అని చెప్పితే, అది జరుగుతుందని నేను మీతో ఖచ్చితంగా చెప్తున్నాను. 22 మీరు నమ్మితే, ప్రార్థనలో మీరు ఏమి అడిగినా దానిని పొందుకొంటారు" అని వారితో చెప్పారు.