Provérbios 1

జ్ఞానం యొక్క మందలింపు

20 జ్ఞానం వీధుల్లో కేకలు వేస్తున్నది,

అది బహిరంగ స్థలాల్లో తన గొంతు గట్టిగా వినిపిస్తుంది;

21 అధిక రద్దీ ఉండే వీధి చివర్లలో అది కేక వేస్తుంది,

పట్టణ ద్వారాల దగ్గర ఆమె తన ప్రసంగం చేస్తుంది:

22 "బుద్ధిహీనులారా మీరు ఎన్నాళ్ళు బుద్ధిహీనుని మార్గాలను ప్రేమిస్తారు?

ఎగతాళి చేసేవారు ఎన్నాళ్ళు ఎగతాళి చేస్తూ ఆనందిస్తారు?

బుద్ధిహీనులు ఎన్నాళ్ళు తెలివిని అసహ్యించుకుంటారు?

23 నా గద్దింపును విని పశ్చాత్తాపపడండి!

అప్పుడు నా ఆత్మను మీమీద కుమ్మరిస్తాను,

నా ఉపదేశాలను మీకు తెలియజేస్తాను.