సామెతలు 4

ఎలాగైనా జ్ఞానం సంపాదించండి

1 నా కుమారులారా, తండ్రి ఉపదేశాలను ఆలకించండి;

వాటిని శ్రద్ధగా ఆలకించండి వివేకం పొందండి.

2 మీకు నేను మంచి ఉపదేశాలను ఇస్తాను,

కాబట్టి నా బోధను త్రోసివేయకండి.

3 నేను కూడా నా తండ్రికి కుమారుడను,

నా తల్లికి నేను ఏకైక సుకుమారుడను.

4 నా తండ్రి నాకు బోధించి, నాతో చెప్పిందేమిటంటే,

"నీ హృదయపూర్వకంగా నా మాటలను గట్టిగా పట్టుకో;

నా ఆజ్ఞలను పాటించు, నీవు బ్రతుకుతావు.

5 జ్ఞానాన్ని సంపాదించుకో, వివేకాన్ని సంపాదించుకో;

నా మాటలు మరచిపోవద్దు, వాటినుండి తొలగిపోవద్దు.

6 నీవు జ్ఞానాన్ని విడచిపెట్టకు, అది నిన్ను కాపాడుతుంది;

నీవు దానిని ప్రేమించు, ఆమె నీకు కావలిదానిగా ఉంటుంది.