20 నా కుమారుడా! నా మాటలు ఆలకించు;
నా వాక్యాలకు నీ చెవియొగ్గు.
21 నీ కళ్ళెదుట నుండి నా మాటలు తొలగిపోనివ్వకు,
నీ హృదయంలో నా మాటలు భద్రపరచుకో.
22 వాటిని కనుగొన్నవారికి అవి జీవాన్ని,
వారి సర్వ శరీరానికి ఆరోగ్యాన్ని ఇస్తాయి.
23 అన్నిటికి మించి, నీ హృదయాన్ని కాపాడుకో,
ఎందుకంటే నీ హృదయంలోనుండి జీవన వనరులు ప్రవహిస్తాయి.
24 నీ నోటిని వక్రబుద్ధికి దూరంగా ఉంచుకో;
మోసపూరితమైన మాటలు నీ పెదాలకు దూరంగా ఉంచుకో.
25 నీ కళ్లు నేరుగా చూచును గాక;
నీ చూపు నేరుగా నీ ముందు ఉండును గాక.
26 నీ పాదాలకు తిన్నని మార్గాన్ని ఏర్పరచుకో
నీ మార్గాలన్ని స్థిరంగా ఉంటాయి.
27 నీవు కుడివైపుకైనా, ఎడమవైపుకైనా తిరుగవద్దు.
నీ పాదాలను కీడుకు దూరంగా ఉంచాలి.