15 మీ సొంత కుండలోని నీళ్లను త్రాగండి,

మీ సొంత బావిలో నుండి వచ్చే నీటినే త్రాగండి.

16 మీ ఊటలు వీధుల్లో పొంగిపోవచ్చునా?

వీధుల్లో అవి నీటి కాలువలుగా పారవచ్చునా?

17 వాటిని మీకు మాత్రమే చెందినవిగా ఉండనివ్వండి,

అపరిచితులతో ఎన్నడు పంచుకోవద్దు.

18 నీ ఊట ఆశీర్వదించబడును గాక,

నీ యవ్వన కాలమందు నీ భార్య యందు సంతోషించు.

19 ఆమె అతి ప్రియమైన లేడి, అందమైన దుప్పి

ఆమె రొమ్ములు నీకు ఎల్లప్పుడు తృప్తి కలుగజేయును గాక,

ఆమె ప్రేమతో నీవు ఎల్లప్పుడు మత్తులో ఉందువు గాక.

20 ఎందుకు, నా కుమారుడా, మరొకని భార్యతో మత్తులో ఉంటావు?

దారితప్పిన స్త్రీ రొమ్ము నీవేల కౌగిలించుకుంటావు?