4 ایک پُشت جاتی ہے اَور دُوسری پُشت آتی ہے،*1‏:4 ضعیف لوگ مَر جاتے ہیں؛ بچّے پیدا ہوتے ہیں۔

لیکن زمین ہمیشہ قائِم رہتی ہے۔

5 آفتاب طُلوع اَور غروب ہوتاہے،

اَور جِس جگہ سے طُلوع ہوتاہے وہیں پھر جلد واپس چلا جاتا ہے۔

6 ہَوا جُنوب کی طرف چلتی ہے

اَور شمال کی طرف مُڑ جاتی ہے؛

اَور ہمیشہ چکّر لگاتی ہُوئی،

اَپنی راہ پر واپس لَوٹ آتی ہے۔

7 سَب دریا سمُندر میں گرتے ہیں،

پھر بھی سمُندر کبھی نہیں بھرتا۔

دریا دوبارہ اُسی جگہ پر بہنے لگتے ہیں،

جہاں وہ پہلے بہ رہیں تھے۔