Mateus 20

دو اَندھوں کا بینائی پانا

29 جَب یِسوعؔ اَور اُن کے شاگرد یریحوؔ سے نکل رہے تھے تو ایک بڑا ہُجوم حُضُور کے پیچھے ہو لیا۔ 30 دو اَندھے راہ کے کنارے بیٹھے ہُوئے تھے۔ جَب اُنہُوں نے سُنا کہ یِسوعؔ وہاں سے گزر رہے ہیں تو وہ چِلّانے لگے، "اَے خُداوؔند، اِبن داویؔد! ہم پر رحم کیجئے!"

31 ہُجوم نے اُسے ڈانٹا کہ خاموش ہو جاؤ، مگر وہ اَور بھی چِلّانے لگے، "اَے خُداوؔند، اَے اِبن داویؔد! ہم پر رحم کیجئے!"

32 یِسوعؔ رُک گیٔے اَور اُنہیں بُلاکر پُوچھا، "بتاؤ! مَیں تمہارے لیٔے کیا کروں؟"

33 اُنہُوں نے جَواب دیا، "خُداوؔند! ہم چاہتے ہیں کہ ہماری آنکھیں کھُل جایٔیں۔"

34 یِسوعؔ نے رحم کھا کر اُن کی آنکھوں کو چھُوا اَور وہ فوراً دیکھنے لگے اَور یِسوعؔ کے کا پیروکار بن گئے۔