1 ቆሮንቶሳ 4

ክርስቶሳ ሐዋሩንና

1 ይኒ ፋና አስ ኑና ክርስቶሳ አሮ ፋና ጾዘ ጋ ቆፋ ቆንጭዝ ታማርስዘ Ꮉዳራ እንግንትደ አስ ፋና ማህ ፋይዶ። 2 ታማርስዙን ላስ አማንንትዱንና ማቃደስ ቤዛነ። 3 የዝን ይን ዎይ መሉን ታላ ፍርድኮ፥ ታስ አኮን ባያ። መለ አቶ፥ ታንን ታላ አፋ ፍርዶደስ ዳንዳኦስ። 4 ታ ኤርዛን ጋር ማቅኮ ታ ዎዝንታ ታላ ፍርዶስ፥ የዝን ይናን ታ ጽሎትቶ ቤዞስ። ታላ አፋ ፍርዶዳይ ላ ጻላላ። 5 ይኒ ግሾ፥ ዎደ የልካይዝን፥ ላ ይእካይዝን ኦደላን ፍርድፈተ። ኤ ማ አችንትደ ባዝ ፎኦ ከሶዳ፤ አስ ዎዝና አችንትደ ቆፋ ቆንጭሳዳ። የ ዎደ ፈተ ፈተ ጾዘፓ ቤዝዘ ጋላታ ኤኮዳ።

6 ታ እሹን፥ ይንታና ማዶ ጋእ ታናን አጵሎሳን አዝዘ ማህ ታ ኦህዳ። ይኖ ታ ዪዝዳና፥ «ጻፍንትዳንፓ ኣፈተ» ያጋዘ ዞርቶ ይን ኑፓ ታማሮደ ፋና። ይኒ ግሾ፥ ኦደን ፈታ ናሺ Ꮉንካያ ለቆደስ ቤዞስ። 7 ኔኒ መሉንፓ አኮራ አ? ኔኒ ኤክካይዘባዝ አኮ የዘ? ዬዝን፥ ኔኒ ኡባ ባዝ መለ አሳፓ ኤክደባዝ ማቅኮ፥ ኤክካይዘ አስ ፋና አኮስ ጬቅንተ?

8 Ꮉተ ይን ምዥዳ። Ꮉተ ይን ዱርዳ። ኑ ሻክንት ይን ጻላላ ካእትዳ። ይን ቱሮ ካእተዛኮ፥ ኑንን ይንታራ ካእቶድ የሻ። 9 ጾዚ ኑና ሐዋሩንና፥ Ꮉይቆ ፍርድንትደ አስ ፋና አስ ኡባፓ ኑና ሱብ አዳ ታስ አዛነ። ኑኒ Ꮉና አላምትስ፥ ኪታንቾስን አስስን ካስ ባዝ ማቅዳ።

10 ኑኒ ክርስቶሳ ግሾ ኤያ ማቅዳ፥ የዝን ይን ክርስቶሳ ግዳ ጭንጩንና ማቅዳ። ኑኒ ቦዛ፥ የዝን ይን ምን ማቅዳ። ይን ቦንችንትዳ፥ የዝን ኑኒ ቶችንትዳ። 11 Ꮉይኖ የሎደስ ኑ ናይነ፥ ባርነ፥ ካልነ፥ Ꮉንታነ፤ የሳደ ኬ ብን ማ በእነ። 12 ኑኒ ኑ ኩሽተ ኦቺ አቃነ። ኑና አስ ጫዦደራ አንጃነ፤ ኑና ባይእዘ ዎደ ዳንዳአነ።✝4:12 ሐዋ. 18:3 13 ኡን ኑና ጫዥዘ ዎደን ኑ ሱንቶ ኢስዘ ዎደ አዳትራ ማሀነ። ኑ Ꮉኖ የሎደስ አላመ ቡረን አላ ኦልንትደ ፍጾ ማቅዳ።

14 ታኒ ይኖ ጻፍዳና፥ ታ ካዽዘ ናኡን ፋና፥ ይንታና ዞሮደስ ጻፍዳ ፋትን ዬልሳደስ ባያ። 15 ክርስቶሳ ግዳ ይንታና ድችዘ ጋማ ካልዙን የዝኮን፥ ይንትስ ጋማ አዱን ባያ። ታ ይንታና ክርስቶስ የሱሳ ዎንገለራ የልዳ። 16 ይኬ፥ ይን ታና አዞተ ጋእ ይንታና ዎሳነ።✝4:16 1 ቆሮ. 11:1፤ ፍልፕ. 3:17 17 ይኒ ግሾ፥ አማንዘን፥ ታ ካዽዘ፥ ላ ባጋራ ታ ናአ ማቅደ፥ ጢሞትዮሳ ይንታጎ ኪትዳ። ኤ ዱማ ዱማ በሳ የዘ ዎሳ ኬ ታ ታማርስደ፥ ክርስቶሳ የሱሳ ግዳ የዘ ታ ኦግቶ ይንታና ቆፍሳዳ።

18 ታኒ ይንታጎ የአመ ፋና አዝን፥ ኡቱራራ ኩምደ ፈቲ ፈቲ አሱን የነ። 19 የዝን ላ ጋይኮ፥ ኡከራ ታኒ ይንታጎ ዮኦዳ። የ ዎደ ታኒ ኡቱራንቹን ኦህቶ ጻላላ ባይዝን ኡን ዎልቂቶን ኤሮደስ ኮያነ። 20 ጾዘ ካእቱሞ ዎልቃራ ፋትን ኦሄራ ባያ። 21 ታኒ ይንታጎ ጉፈራ ዮኦነነ ዎይ ሲቆራን አዳት አያናራ ዮኦነ? ይን አያ ዶረተ?