1 ታኒ ዎሳ ኬ ጭምዘ፥ ቱሮ ካዽዘ ጋዮሳስ ኪትደ ኪታ። 2 ታ ሲቅዛዮ፥ ነ የስታ ኡባ ጊጎደ ፋና፥ ቆነ የሳደ ፋናን አያና ሸምፖ ነ ደንጎደ ፋና ዎሳነ።✝ 3 ፈቲ ፈቲ አማንዘ አሱን ይእ፥ ኡባ ዎደ ነ ቱርስ አማንንቲ የዛኖን ነ ቱርባዝ ማርክደ ዎደ ታኒ ጋማ ኡፋይትዳ። 4 ታ ናኡን ቱረትራ የዛኖ ስእዛንፓ አዘ፥ ታና ኡፋይስዘ ባዝ ባያ።

5 ታ ሲቅዛዮ፥ ኡን ኔስ ዛቆ ማቅኮን፥ ነ አማንዘ አሱንስ አማንንተ ኦቻ ኦቻነ። 6 ኡን ነ ሲቅትባዝ ዎሳ ኬ ማርክነ። Ꮉተን ኡን Ꮉንግዘ ኦግተ ጾዚ ካዛን ፋና ኦቺ ኡንታና ማድኮ ሎኦ ኦቻነ። 7 ኡን ክርስቶሳስ ኦቾደስ ከዝተራ፥ አማኖሰ አሱንፓ አኮን ኤክካያ። 8 ኑኒ ቱሪ ኦቻ ኡንታራ ዎላ ኦቾደስ Ꮉን ፋና የዘ አሱንና ማዶደስ ቤዛነ።

9 ታኒ ዎሳ ኬትስ ኪታ ጻፍዳ፥ የዝን ዎሳ ኬስ ጭማ ማቆደስ ኮይዘ ድዮትራፊሳ ኑ ጋዛኖ ኤኮስ። 10 ይኒ ግሾ፥ ታኒ እዘ Ꮉንግዘ ዎደ ኤ ኑላ አፋ ኦህደ ኢታ ኦህቶን ኤ ኦችደ ኦችቶ ኡባ ኦሆዳ። ኤ ይኖ ኤርዳ ጋእ፥ ኑ እሹን የእዘ ዎደ ሞኮስ። መለ አቶ የዝን፥ ኡንታና ሞኮደስ ኮይዙንና ካይ ዎሳ ኬፓ ከሳነ።

11 ታ ሲቅዛዮ፥ ሎኦ ባዝ አዞፕ አትን ኢታ ባዝ አዝፐ። ሎኦ ባዝ ኦችዘ ኦንን ጾዘ አስ፥ የዝን ኢታ ባዝ ኦችዘ ኦንን ጾዛ ብእካያ።

12 ድሜጥሮሳ ሎኦ አስ ማቅዳኖ አስ ኡባ ማርክነ። ቱርታ ፋ ኦምተ ኤ ባዝ ማርክነ፤ ኑንን ኤ ባዝ ማርክነ፤ ኑ ማርካትታን ቱሮ ማቅዛኖ ይን ኤራነ።

13 ታኒ ኔስ ጻፎደስ ኮይደ ጋማ ባዝ የነ፥ የዝን ቃላመር ዋርቃተላ ጻፎደስ ኮዮስ። 14 የዝን ታኒ ኡከራ ኔራ የልንቶደስ ኮያነ፤ የ ዎደ ኔራ ኦህንቶዳ።

15 ሳሮ ኔስ ማቀ።

ነ ላጉን ነና ሳሮ ጋነ። ኑ ላጉንና ኡባ ኡን ሱንቶ ሱንቶ ጼጊ ታና «ሳሮ ጋይዳ» ጋኦ።