ሮመ 9

እስራኤሉን ዶርንቶ

1 ታኒ ክርስቶሳር ቱሮ ኦህነ፥ ዎርድስ። ጌሽ አያና ካልዘ ታ ዎዝንታ ታኒ ዎርድኦሳኖ ታስ ማርክነ። 2 ታ ዎዝንተ እስራኤሉንስ ጋማ አዛኖን አሾሰ ዋየ ታ ግዳ የነ። 3 ታኒ፥ ታ እሹንን ታ እግኑን ግሾ ክርስቶሳፓ ሻክንት ጾዘ ባድፓ ኦሞራ የዘዛኮ ካነ። 4 ኡንትን እስራኤሉንና፥ ጾዚ ኡንታና ፋ ናኡንና ማህዳ፥ ፋ ቦንችቶ ኡንትስ ቆንጭዝዳ። ኡንታራ ጫቂዳ፤ ህገ ኡንትስ እንግዳ። ኡን ጾዝ ጎይኖደ ቱሪ ኦገ ቤዝዳ፤ ጾዚ ኡፋይስ ቃላ ኡንትስ እንግዳ። 5 ኡን የልንተራ ማይዙን ኮች፤ ማህ ክርስቶሳ አሾራ ኡን ኮች ማቂ ይእዳ። ኡባፓ ካታራ ማቅደ ጾዘ መናስ አንጅንትዳ። አምንኤ!✝9:5 ከዘ 4:22

6 የዝን፥ ጾዘ ቃልታ ሻርንትዳ ጋኤ ባያ። እስራኤለፓ ይእደ ኡባ ቱሪ እስራኤለ ማቆስ። 7 ማህ አብራሃማ ኮች ኡባ አብራሃማ ናአ ማቆስ። ጾዚ አብራሃማስ፥ «ነ ዛርታ ይሳቃ ባጋራ ጼግንቶዳ» ያጋይዳ። 8 ይኖ ጋዛና አሾራ የልንትደ ናአ ኡቡን ጾዝ ናአ ማቆስ። የዝን ቱሪ እስራኤለ ናአ ጾዚ አብራሃማስ ገልደ ቃልት ጋር የልንትደ ናአ።✝9:8 መ 21:12 9 ያጋዛኖ።✝9:9 መ 21:12 ጾዚ እንጎዳ ጋእ ገልደ ቃልታ፥ «ታኒ ዎን በረ Ꮉኒ ዎደ ዮኦዳ፤ ሳራን ራ ናአ የሎዳ»✝9:9 መ 18:10

10 ይኖ ጻላላ ባይዝን እርቢቃ ፈቲ ኑ አዳይ ይሳቃፓ መንተ ናኡንና ዎዳጽደ ዎደ፥ 11 ኡን የልንቶደፓ ኢታ ዎይ ሎኦ ኦቾደፓ ቲኖ ኦቻራ ባይዝን ዶረር ማቅዘ ጾዘ ቆፍታ ምንጎደ ፋና፥ 12 «አንግሰ ጌዘስ ኪትንቶዳ» ያጋእ ላ እርቢቃስ ኦህዳ። 13 ጋእንት ጻፍንትዳ።✝9:13 መ 25:23ይናን ጌሽ ማጻፍተ፥ «ያይቆባ ካዳ፥ ኤሳዎ እጽዳ»✝9:13 ሚል. 1:2

14 ዬዝን፥ ኑ ዋጋዉደ? ጾዚ ፍርዳ ደሽዛነ? አደ። 15 ላ ሙሴጎ፥

«ታ ማሮደስ ኮይዱንና ማሮዳ፤

ታ ይቅስንቶደስ ኮይዱንስ ይቅስንቶዳ»✝9:15 ከዘ 33:19 ያጋይዳ። 16 ይኬ፥ ጾዘ ዶረ አስ ቆፋ ዎይ ኦቻራ ባይዝን ኤ ማሮትተ።

17 ጌሽ ማጻፍተ፥ ግብጸ ካትዘጎ፥ «ታኒ፥ ታ ዎልቅቶ ኔላ ቤዞደስን ታ ሱንታ አላመ ኡባ ግዳ ኤርንቶደ ፋና ይንስ ነና ካእትዝዳ»✝9:17 ከዘ 9:16 ጋእንት ጻፍንትዳ። 18 ይኬ፥ ጾዚ ማሮደስ ኮይዛያ ማራነ፤ ዎዝንቶ ሙምሳደስ ኮይዛይ ዎዝንቶ ሙምዛነ።

ጾዘ ካችቶን ማሮትቶ

19 ይንታፓ ፈታይ፥ «ዬዝን፥ ጾዝ አስ ኢታ ኦቻ ግሾ አኮስ ቦረ? ጾዘ ቆፍቶ አቶ ጋዉደ ኦደ?» ጋእ ኦጮደስ ዳንዳአነ።

20 የዝን ታ እሻዮ፥ ጾዛራ ላሎደስ ነ ኦደ? ሎቃፓ መንትደ ሚሸ ፋና መደጎ፥ «ታና Ꮉኒ ጋር ኦቺ አኮስ መዶ?»✝9:20 ኢሳ. 29:16፤ 45:9 ጋእ ኦጮደስ ዳንዳአነ? 21 ዎይ ሎቃ መዳይ ፈቲ ሎቃፓ ፈታያ ቦንቾ ሚሸ፥ Ꮉንካያ ማህ ቦረ ሚሸ ማህ መደስ አደት ዎልቃ ባያ?

22 ጾዚ ፋ ካችቶ ቤዞደስ ፋ ዎልቅቶ ኤርሶደስ ኮይ፥ ፍርዳስ ጊግደ Ꮉንቆ ናኡንና ጋማ ገንጨራ ዳንዳኤዛኮ ነ አኮ ኤረ? 23 ይኖ ኤ ኦችዳና ቲኒ ቦንቾስ ጊግዝደ፥ ፋ ዶርደ ናኡንስ ፋ ቦንችቶ ቆንጭሳደስ። 24 አይሁዱንና ጻላላ ማቅካይዝን፥ አይሁደ ማቆሰ ኑንን ጾዛራ ዶርንትዳ።

25 ናበ ሆሴዕ ማጻፍተ፥

«ታ አስ ማቅካይዙንና፥ ታ አስ ጋእ ጼጎዳ።

ታ ሲቅካይዘ ዎርዥቶ፥ ‹ሲቅንትዱንና› ጋእ ጼጎዳ።

26 ኡን፥ ‹ታ ዎርዣ ባያ› ጋእንት ጼግንትደ በስተ፥✝9:26 ሆሴ. 2:23

‹ደኦ ጾዘ ናአ› ጋእንት ጼግንቶዳ»✝9:26 ሆሴ. 1:10 ያጋይዳ።

27 ናበ ኢሳያሳ እስራኤለ አሱንባዝ፥

«እስራኤለ አሱን አባ ጋጻ የዘ ሻፈ ፋና ጋንግኮን፥

ኡንታፓ ኤራ አሱን ጻላላ አቶዳ።

28 ይና ሳአላ አፋ ኤልሲ ፎልንቶዳ።»✝9:28 ኢሳ. 10:22-23 29 ማህ ኢሳያሳ፥

«ኡባፓ ዎልቃማ ላ ኑስ ኤራ ኮች አሽካይዛኮ፥

ኑኒ ሶዶማን ጋሞራ ካታማ ፋና ቦድ የሻ»

✝ 9:29 ኢሳ. 1:9 ያጋእ ቲኒ ኦህዳ።

30 ዬዝን፥ ኑ ዋጋዉደ? ጽሎት ካሎሰ አይሁደ ማቆሰ አሱን አማኖራ ጽሎት ደንግዳ። 31 የዝን ጽሎትጎ የልዘ ህገ የዘ እስራኤለ አሱን ጽሎት ደንግካያ። 32 አኮስ ደንጋንጽዶ? ኡን ጽሎትታ አማኖራ ባይዝን ኦቻራ ኤኮደስ ኮይደ ግሾስ። የይዘ ግሾ፥ ኡን፥ «ቢዘ ሹቻራ» ብንትዳ። 33 ጌሽ ማጻፍተ፥ ቦኦተ

«ታኒ ጽዮነ ቢዘ ሹችን ላላን ጋዶዳ።

ኤዛ አማንዘ ኦንን ዬልኦስ»

✝ 9:33 ኢሳ. 28:16 ጋእንት ጻፍንትዳ።