1 Yikke, yin Kiristtoosara hyayqoppa denddidanni fana, Xoozappa mizaqi zalara bettide Kiristtoosa yeze besite, salo yeze baz koyote.3:1 Maz. 110:1 2 Salo yezuntsalla afa yin qoftto gaddote fattin sa7a yezebazalla afa gaddippete. 3 Yin hyayqora shaakkinttide fana hyanna alame nagara oochappa shaakkinttida. Yin de7ita Kiristtoosar wolla Xoozze gidda aachinttida. 4 Yinttis de7o maaqqide Kiristtoosa qonccize wode ye wode yinttin eera bonchchor qonccoda.
5 Yinnii gisho, yin gidda yeze alame amotitsito wodhote. Yentsesin olale, tunatitsi, olalodes amudhdhe, eeqa goyno fana maaqqide qiiridhdhe. 6 Hyantses baggara Xoozze baadditsi kiitinttoose asalla afa ye7oda. 7 Yinttin zaga yinna iita ogite hyanttitera hyantsesana oochchitera yeshsha.
8 Hyatte yin hyantsesana baadditsi, ixa, kachchi, zigirssi, borsize ohe yinttappa hyaasote. 9 Gal7a amotitsito I oochitira yinttappa gaaride gisho fete fetes worddidhdhippete.3:9 Efe. 4:22 10 Xoozze medho aazize, eratitsara laaminttide kille hyanotitsi ma77ote.3:10 Medho 1:26; Efe. 4:24 11 Hyanna kille medhetitsite, Girike asi woy Ayhude asi, garrazinttide woy garrazinttikaayze, Barbaare asi3:11 Barbaare asi: Gaazanna tamaarikaayza woy eroossa woy yelinttideppa si7i ga7i yeze asi ga7e. woy Iskute asi3:11 Iskute asi Gaazanna wozina mintsi asi woy wozina iita asi ga7e aro woy bonchcho asi baaya. Kiristtoosa ubba; E ubbanne yene.
12 Yinnii gisho, Xoozara doorinttide asi fana geeshshuntsanan kadhinttiduntsana maaqqii, maarotitsi, keehatitsi, ashkketitsin dandda7a ma77ote.3:12-13 Efe. 4:2 13 Fetay feta dandda7ote. Ooden lagge eza qohide yeziko ees atto ga7o. Laatstsii yinttis atto ga7idanni gaara yinttin wolis atto ga7ote.3:13 Efe. 4:32 14 Yinna ubbannilla afa ubbanno fettilla shiishii accize siiqo ma77ote. 15 Xoozii yinttana fettii asi mahi xeegidanna, sarotitsis maaqqide gisho Kiristtoosa sarotitsita yin wozintto aho; galatizuntsanan maaqqote.
16 Kiristtoosa qaala yin wozintte kumii yezo. Cinccatitsi ubba fete fetaya tamaarssoten zorote. Mazmurera, nashshera ayyaana yetstsara Xoozza wozinappa galatittera yexxote.3:16-17 Efe. 5:19-20 17 Xoozze Aday Yesuusa baggara galatittera yin ohinttizebaz woy oochchizebaz ubba Laatstse Yesuusa suntsite oochchote.
18 Machchuntso, ammanze asis beezize baz maaqqide gisho yin azinuntsis aqote.3:18 Efe. 5:22; 1 Phex. 3:1
19 Azinuntso, yin machchuntsana kadhote; unttis iitippete.3:19 Efe. 5:25; 1 Phex. 3:7
20 Na7untso, yinttana yeliduntsis ubba baza kiitinttote; yinna Laatstsii ufayssize baz.3:20 Efe. 6:1
21 Aduntso, yin na7untsi ufayssi gachchaame gaar unttana zhilizippete.3:21 Efe. 6:4
22 Aruntso, sa7a yinttis Laatstsii maaqqiduntsis ubba baza kiitinttote. Laatstsi bonchchitera luule wozinappa kiitinttii unttana ufayssote fattin asi bo7o ga7i oochchippete.3:22-25 Efe. 6:5-8 23 Yin oochchize oochito ubba asis maaqqikaayzin Laatstsis oochchize fana wozinappa oochchote. 24 Laatstsappa laata woyto yin ekkodanno erote; yin Laatstse Kiristtoosas oochchane. 25 Xoozii as sino bi7i firddoosse gisho ooden iita oocha oochchiko fa iita oochiti gisho kushe mahe ekkoda.3:25 Efe. 6:5-8
/images/a/Tcg2NiV7ce24OT6kCIQGR)
/images/a/qHG3xNP8jqR-HqIiucz0L)